जॉर्डनमधून मेंढ्यांची निर्यात सुरू...
जॉर्डन आणि सौदी अरेबियात आता पुन्हा एकदा पशूंच्या देवाणघेवाण सुरू होणार आहे. जॉर्डन नेहमीच सौदीला मेंढ्यांची निर्यात करत आला आहे. मात्र मागच्यावर्षी जॉर्डनमधील मेंढ्यांना झालेल्या जंतुसंसर्गामुळे सौदीने जॉर्डनमधून मेंढयांची आयात थांबवण्याचा निर्णय घेतला होता. सौदीने हा निर्णय रद्द केल्यामुळे जॉर्डन पुन्हा एकदा सौदीला मेंढ्यांची निर्यात करणार आहे. जॉर्डनमधील शेतकऱ्यांना या निर्यातीमुळे चांगला फायदा होत असल्याचे जॉर्डनचे कृषीमंत्री खालिद नेफियत यांचे म्हणणे आहे.
