संग्रहित छायाचित्र
शांघाय : कामाच्या ठिकाणी आनंद वाढवण्याच्या आणि सामाजिक नातेसंबंध अधिक बळकट करण्याच्या दिशेने पुढाकार घेत, शेन्झेन-आधारित चिनी टेक कंपनी इन्स्टा ३६० ने अनोखी मोहीम सुरू केली आहे. या उपक्रमांतर्गत, कंपनी आपल्या कर्मचाऱ्यांना डेटवर जाण्यासाठी रोख रक्कम देत आहे. हा निर्णय केवळ कर्मचाऱ्यांच्या कामाच्या ठिकाणी समाधान वाढवण्यापुरता मर्यादित नाही, तर त्यांच्या वैयक्तिक आयुष्यालाही सकारात्मक वळण देण्यासाठी आहे. आजकालच्या धकाधकीच्या जीवनशैलीत, कामाच्या व्यापामुळे अनेकदा लोक वैयक्तिक नातेसंबंधांना पुरेसा वेळ देऊ शकत नाहीत.
अशा परिस्थितीत, इन्स्टा ३६० चा हा उपक्रम कर्मचारी आणि त्यांच्या सामाजिक आयुष्याला चालना देण्याचा एक प्रामाणिक प्रयत्न आहे. हा उपक्रम कर्मचाऱ्यांमधील मानसिक तणाव कमी करण्यात मदत करू शकतो, तसेच त्यांना काम व वैयक्तिक जीवनाचा समतोल साधण्यासाठी प्रेरणा देतो. कंपनीच्या या नवकल्पनेने कर्मचारी नातेसंबंधांच्या महत्त्वावर लक्ष केंद्रित करत आनंददायी कामाच्या ठिकाणी योगदान देण्याचा उद्देश साधला आहे. इन्स्टा ३६० च्या या नावीन्यपूर्ण पावलामुळे आधुनिक कंपन्यांसाठी एक नवीन आदर्श निर्माण झाला आहे. साउथ चायना मॉर्निंग पोस्टच्या अहवालानुसार, या उपक्रमाचा उद्देश कर्मचाऱ्यांमध्ये नातेसंबंध आणि आपुलकीची भावना वाढवणे हा आहे. याशिवाय, चीनचा आधीच घसरलेला जन्मदर सुधारण्याची अपेक्षा आहे. टेक कंपनी कर्मचाऱ्यांना अंतर्गत डेटिंग प्लॅटफॉर्मवर कंपनीबाहेरील व्यक्तीची ओळख करून देणाऱ्या प्रत्येक वैध पोस्टसाठी कर्मचाऱ्यांना ६६ युआन (सुमारे ७७० रुपये) देईल. ज्या कामगारांची जुळवाजुळव योग्य आहे आणि तीन महिने संबंध टिकवून ठेवतील, त्यांना मोठे बक्षीस दिले जाईल.
टेक कंपनी कर्मचाऱ्यांना अंतर्गत डेटिंग प्लॅटफॉर्मवर कंपनीबाहेरील व्यक्तीची ओळख करून देणाऱ्या प्रत्येक वैध पोस्टसाठी कर्मचाऱ्यांना ६६ युआन (सुमारे ७७० रुपये) देईल. ज्या कामगारांची जुळवाजुळव योग्य आहे आणि तीन महिने संबंध टिकवून ठेवतील त्यांना मोठे बक्षीस दिले जाईल. या उपक्रमात, दोन्ही लोकांना १ हजार युआन (अंदाजे ११,६५० रुपये) दिले जातील.
या उपक्रमानंतर, कामगारांमध्ये याबद्दल उत्साह होता, कारण कंपनीच्या मंचावर सुमारे ५०० पोस्ट अपलोड केल्या गेल्या. इन्स्टा ३६० च्या प्रतिनिधीनुसार, सिंगल्सचे प्रोफाइल शेअर करण्यासाठी सुमारे १० हजार युआनचे छोटे रोख बक्षीस देण्यात आले आहे. तथापि, अद्याप डेटिंग बोनस दिलेला नाही, कारण मोहीम तीन महिन्यांपेक्षा कमी आहे. या उपक्रमावर कर्मचारी आणि सर्वसामान्यांनी वेगवेगळ्या प्रतिक्रिया दिल्या आहेत. काहींनी त्याचे स्वागत केले तर काहींनी त्यावर अनेक प्रश्नही उपस्थित केले आहेत. एका कर्मचाऱ्याने सांगितले की, माझी कंपनी माझ्या आईपेक्षा जास्त उत्सुक आहे, तर दुसऱ्याने 'कंपनीकडे काही भरती योजना आहेत का, असा सवाल उपस्थित केला आहे. सोशल मीडियावरील काही वापरकर्त्यांनी असेही सुचवले की सरकारनेही असेच प्रोत्साहन सुरू करावे.
