संग्रहित छायाचित्र
बागपत: उत्तर प्रदेशातील बागपतमध्ये माकडांनी एका सहा वर्षांच्या मुलीचे शोषण होण्यापासून रोखले आहे. आरोपी तरुण सहा वर्षांच्या मुलीला फसवून एका निर्जन स्थळी घेऊन गेला. येथे त्याने चिमुरडीचे कपडे काढले आणि तिच्यासोबत आक्षेपार्ह कृत्य करण्याचा प्रयत्न करीत होता. त्याच दरम्यान माकडांचा समूह तेथे दाखल झाला. त्यांना पाहून तरुण घाबरला आणि तेथून पळ काढला. मुलीच्या कुटुंबीयांनी आरोपीविरोधात गुन्हा दाखल केला आहे. सीसीटीव्ही फुटेजच्या आधारावर पोलीस त्याचा तपास करीत आहेत. या सीसीटीव्हीमध्ये तरुण त्या चिमुरडीला घेऊन जाताना दिसत आहे.
डोला गावात राहणाऱ्या मुलीच्या आई-वडिलांनी दावा केला आहे की, शनिवारी (२१ सप्टेंबर) एका तरुणाने त्यांच्या मुलीची फसवणूक करून एका निर्जन ठिकाणी असलेल्या घरात घेऊन गेला. येथे त्याने तिचे कपडे काढले आणि तिचे लैंगिक शोषण करण्याचा प्रयत्न केला. मात्र अचानक माकडांचा समूह त्या ठिकाणी आल्याने तरुण तेथून पळून गेला. पीडित मुलीच्या वडिलांनी सांगितले की, माझी मुलगी बाहेर खेळत होती. तेव्हा आरोपी तिला आपल्यासोबत घेऊन गेला. ही बाब सीसीटीव्ही फुटेजमध्ये स्पष्टपणे दिसत आहे. अद्याप त्याची ओळख पटलेली नाही. आरोपी तरुणाने माझ्या मुलीला जिवे मारण्याची धमकी दिली होती. माकडे आली नसती तर माझ्या मुलीचा जीव गेला असता, अशी प्रतिक्रिया पीडित मुलीच्या वडिलांनी दिली आहे.
