राहुल आयपीएलमध्येही फ्लॉप!
#दिल्ली
कसोटीत सातत्याने फ्लाॅप ठरत असलेला भारतीय फलंदाज के. एल. राहुल आयपीएलमध्ये चांगली फलंदाजी करून फाॅर्मात येईल, अशी अपेक्षा करणाऱ्या चाहत्यांच्या पदरी निराशा आली. यंदा आपल्या पहिल्या सामन्यात राहुल केवळ ८ धावांवर बाद झाला.
आयपीएलमध्येदेखील राहुलचा खराब फॉर्म त्याची पाठ सोडताना दिसत नाही. दिल्ली कॅपिटलविरुद्ध सलामीला आलेला लखनौ सुपरजायंट्सचा कर्णधार राहुल १२ चेंडूंत केवळ ८ धावा करून बाद झाला.
भारताचा स्टार क्रिकेटर राहुल सध्या खराब फॉर्मातून जात आहे. त्याचा फॉर्म आयपीएलमध्ये तरी सुधारेल, अशी अपेक्षा त्याच्या चाहत्यांना होती. परंतु असे काहीही घडताना दिसत नाही. लखनौच्या होम ग्राउंडवरही तो फ्लाॅप ठरला. दिल्लीच्या चेतन साकरिया याने त्याला बाद केले. राहुल बाद होताच सोशल मीडियावर त्याला ट्रोल करणाऱ्या मीम्सचा पाऊस सुरू झाला. राहुलवर अनेक मीम्स शेअर केले जात असून यावर नेटकरी विविध प्रतिक्रिया व्यक्त करीत आहेत. वृत्तसंस्था
