टीम इंडियाचा वेगवान गोलंदाज अडकला विवाहबंधनात

प्रसिध कृष्णाचे शुभमंगल सोशल मीडियावर व्हायरल

#मुंबई

भारतीय संघ ७ जूनपासून इंग्लंडमध्ये ऑस्ट्रेलियाविरुद्ध वर्ल्ड टेस्ट चॅम्पियनशिपचा अंतिम सामना खेळत आहे. सामना सुरू झाल्यानंतर एका दिवसानंतर भारतीय संघाचा स्टार वेगवान गोलंदाज प्रसिद्ध कृष्णाने आपल्या चाहत्यांना आनंदाची बातमी दिली आहे. त्याचे लग्न झाले आहे. प्रसिध कृष्णाने त्याची गर्लफ्रेंड रचना कृष्णासोबत लग्न केले आहे. मंगळवारी (६ जून) प्रसिद्ध कृष्णाच्या विवाहसोहळ्याची बातमी समोर आली आहे.

प्रसिद्ध कृष्णा आयपीएल स्पर्धेत राजस्थान रॉयल्सचे प्रतिनिधित्व करतो. राजस्थान रॉयल्सच्या स्टार फास्ट बॉलरने त्याची गर्लफ्रेंड रचना कृष्णासोबत लग्न केले आहे. याआधी दोघेही एकमेकांना बराच काळ डेट करत होते. आता दोघेही पवित्र बंधनात बांधले गेले आहेत. त्याच वेळी, प्रसिध कृष्णा बराच काळ जखमी झाला होता. यामुळे तो आयपीएल २०२३ लाही मुकला होता. आता त्याच्या लग्नाचे फोटो सोशल मीडियावर चांगलेच व्हायरल होत आहेत.

स्टार वेगवान गोलंदाज प्रसिध कृष्णा आणि रचना कृष्णा यांचा विवाह दक्षिण भारतीय पारंपरिक पद्धतीने झाला. 

फोटोमध्ये तुम्ही पाहू शकता की प्रसिद्धने धोतर नेसले आहे. त्याचबरोबर रचनाने लाल रंगाची साडी घातली आहे. यावरून असे दिसते की त्यांनी त्यांच्या दक्षिण भारतीय रितीरिवाजानुसार लग्न केले आहे. वास्तविक, प्रसिद्ध बंगळुरूचा आहे.

आतापर्यंतची प्रसिध कृष्णाची 

आयपीएल कारकीर्द

प्रसिध कृष्णाने ६ मे २०१८ रोजी आयपीएलमध्ये पदार्पण केले होते. तेव्हापासून त्याने एकूण ५१ सामने खेळले आहेत. या सामन्यांमध्ये गोलंदाजी करताना त्याने ३४.७६ च्या सरासरीने ४९ विकेट्स घेतल्या आहेत. या दरम्यान त्याची इकॉनॉमी ८.९२ राहिली आहे.