सुप्रिया सुळेंनी साडी नेसून केले मोटर फ्लाईंग, व्हिडिओ प्रचंड व्हायरल
राष्ट्रवादी काँग्रेस शरद पवार गटाच्या खासदार सुप्रिया सुळे यांनी मोटर फ्लाईंग केलं आहे. सुप्रिया सुळे यांनी या मोटर फ्लाईंगचा हवेत उडतानाचा थरारक व्हिडिओ सोशल मीडियावर शेअर केला आहे. सुप्रिया सुळे यांनी त्यांच्या एक्स हँडलवरून याबाबतचा व्हिडिओ ट्विट केला आहे. विशेष म्हणजे त्यांनी साडी नेसून मोटर फ्लाईंगचा आनंद घेतला आहे.
जेजुरी शहरामध्ये मोटर फ्लाईंगला सुरूवात झाली आहे, या उपक्रमाला चालना मिळावी म्हणून सुप्रिया सुळे यांनी भेट दिली आणि मोटर फ्लाईंगचा आनंद घेतला. जेजुरी पठारावर सुप्रिया सुळे यांनी मोटर फ्लाईंग केलं. जेजुरीमध्ये मोटर फ्लाईंगचं हे मशीन स्पेनवरून आणण्यात आलं आहे. जेजुरी दौऱ्यावर असताना सुप्रिया सुळे यांनी मोटर फ्लाईंगच्या मशीनविषयी माहिती जाणून घेतली.
आपल्या बारामती लोकसभा मतदारसंघातील जेजुरी येथील पर्यटनाला चालना मिळावी यासाठी जेजुरी येथे मोटर फ्लाईंग उपक्रम सुरू करण्यात आला आहे. याठिकाणी भेट देऊन मोटर फ्लाईंग चा आनंद घेतला. याप्रसंगी मोटार फ्लाईंगचे संचालक कर्नल श्री. प्रशांत काकडे व त्यांचे कुटुंबीय, पुरंदर तालुका… pic.twitter.com/9gk96cvOHE
— Supriya Sule (@supriya_sule) November 23, 2023
सुप्रिया सुळे यांनी ट्विट करत म्हटले की, “आपल्या बारामती लोकसभा मतदारसंघातील जेजुरी येथील पर्यटनाला चालना मिळावी, यासाठी जेजुरी येथे मोटर फ्लाईंग उपक्रम सुरू करण्यात आला आहे. याठिकाणी भेट देऊन मोटर फ्लाईंगचा आनंद घेतला. याप्रसंगी मोटार फ्लाईंगचे संचालक कर्नल प्रशांत काकडे व त्यांचे कुटुंबीय, पुरंदर तालुका राष्ट्रवादी काँग्रेसचे अध्यक्ष माणिकराव झेंडे पाटील, पुरंदर युवकाध्यक्ष पुष्कराज जाधव, जयदीप बारभाई यांच्यासह राष्ट्रवादी काँग्रेसचे पदाधिकारी उपस्थित होते.”
