'सहकार भारती'च्या उदय जोशी यांची 'लोकमान्य'च्या मुख्यालयास भेट

#पुणे

'सहकार भारती'चे राष्ट्रीय सरचिटणीस उदय जोशी यांनी लोकमान्य मल्टीपर्पज को-ऑप. सोसायटीच्या पुणे येथील मुख्य कार्यालयास भेट दिली. यावेळी संस्थेचे संस्थापक अध्यक्ष किरण ठाकूर यांनी त्यांचे स्वागत केले. याप्रसंगी जोशी यांचा लोकमान्य सोसायटीतर्फे सन्मानचिन्ह, शाल व पुष्पगुच्छ देऊन सत्कार करण्यात आला. ठाकूर यांनी श्री. जोशी यांना सोसायटीच्या कामकाजाची संपूर्ण माहिती दिली.

यावेळी उदय जोशी यांनी सोसायटीच्या कामकाजाबाबत समाधान व्यक्त करीत वित्तीय सहकार क्षेत्रात लोकमान्य सोसायटीने केलेली कामगिरी गौरवास्पद असल्याचे सांगितले. यावेळी सोसायटीचे पुणे विभागीय व्यवस्थापक सुशील जाधव, समन्वयक श्री. भालचंद्र कुंटे, कॉर्पोरेट कार्यालयाचे समन्वयक विनायक जाधव, सहकार सुगंध मासिकाचे भालचंद्र कुलकर्णी आदी मान्यवर, विविध पदाधिकारी, कर्मचारी, सभासद हितचिंतक उपस्थित होते.