वाहतूक कोंडीविरोधात पुणेकर दाखवताहेत अभेद्य एकजूट
पुण्याचा जगभरात लौकिक आहे तो प्रयोगशील आणि उद्यमशील शहर असा. जेव्हा नागरी समस्या येतात तेव्हा केवळ तक्रारी करत बसत नाहीत, तर परिस्थितीचा नेटाने सामना करतात. आणि त्यावर उपाय शोधतात. ‘जरा देख के चलो’ ने पुणेकरांना अशाच एका आव्हानाशी दोन हात करण्याची संधी दिली आहे. सीविक मिरर, पुणे टाइम्स मिरर आणि पुणे शहर वाहतूक पोलिसांच्या संयुक्त वाहतूक सुरक्षा मोहिमेमुळे पुण्यातील वाहतूक नियम आणि नियमांचे पालन करण्याबाबत जागरूकता निर्माण झाली आहे. या मोहिमेच्या यशाचे मोजमाप करणे घाईचे ठरेल पण भविष्यात अपघात आणि अपघाती मृत्यूच्या संख्येत लक्षणीय घट होण्यास नक्कीच सुरुवात होईल, अशी आहे. सुरक्षित रहदारी आणि सुरक्षित ड्रायव्हिंगच्या सवयी लोकांना लागाव्यात हीच यामागे भावना आहे. मोहिमेद्वारे लोकांत जागृती निर्माण व्हावी आणि शकडो निष्पाप जीव वाचावेत हाच मोहिमेचा उद्देश आहे, आमचा हाच उद्देश काही प्रमाणात का होईना यशस्वी होताना दिसत आहे.
लोकांना वाहन चालवताना, चालताना किंवा रस्त्यावरून जाताना अधिक सावध आणि सजग राहण्यासाठी आणि वाहतूक नियम आणि नियमांचे पालन करण्यास भाग पाडण्यात हीे मोहीम काही प्रमाणात का होईना यशस्वी झाली आहे. 'जरा देख के चलो' सुरक्षित वाहतुकीसाठी सर्वतोपरी प्रयत्न करीत आहे.
सामान्य पुणेकर, पुणे शहर पोलिस , वाहतूक विभागाचे अधिकारी आणि मार्शल यांच्या मदतीने ही मोहीम सुरूच राहील. बेपर्वाईने वाहन चालवण्याचे दुष्परिणाम याविषयीचे प्रबोधन यापुढेही सुरूच राहील.