'त्या' निर्णयाचा प्रियांकाच्या आईला होतोय पश्चाताप

प्रियांका चोप्राची आई मधू चोप्रा यांनी अलीकडेच खुलासा केला आहे की त्यांनी आपल्या मुलीला लहान वयात बोर्डिंग स्कूलमध्ये पाठवले. आपल्या मुलीच्या हितासाठी त्यांनी हा निर्णय घेतला. पण आजही त्यांना या निर्णयाचा पश्चाताप होतोय. तो क्षण आठवून त्या अजूनही रडतात.

प्रियांकाला बोर्डिंग स्कूलमध्ये पाठवण्याच्या निर्णयावर पती खूश नव्हते, असा खुलासाही मधु चोप्रा यांनी केला आहे. वर्षभर मधूशी ते नीट बोललेही नाही. मधू चोप्रा म्हणाल्या, ‘‘मला माहित नाही की हा योग्य निर्णय होता. पण आज मला या निर्णयाचा पश्चाताप होत आहे. जरी त्या वेळी मला माहित होते की मी योग्य गोष्ट करत आहे. आजही त्या चिमुरडीला दूर पाठवण्याचा विचार आला की मला रडू येते. एकुलती एक मुलगी होती. हे मी माझ्या पतीला सांगितल्यावर ते खूप संतापले. वर्षभर आमच्यात सामान्य संवाद झाला नाही.’’

प्रियांका बोर्डिंग स्कूलमध्ये गेली होती, पण तिला माहित नव्हते की ती बोर्डिंग स्कूलमध्ये जात आहे. तिला वाटले की ती आता मोठ्या शाळेत जाणार आहे. आम्ही तिला वसतिगृहात घेऊन गेलो. मॅट्रॉन आली आणि म्हणाली - सर्व पालक, तुमची जाण्याची वेळ आली आहे. मग प्रियांका म्हणाली- तू का जात आहेस? मी पण येऊ का तुझ्यासोबत? मी म्हणाले, नाही, ही तुझी नवीन शाळा आहे. आई तुला भेटायला येईल. प्रियांका या गोष्टींसाठी मानसिकदृष्ट्या तयार नव्हती. याचा विचार करून आजही मला रडू येते आणि पश्चाताप होतो. माझ्यासाठी ते खूप कठीण होते, अशी आठवण मधू यांनी सांगितली.

मधू म्हणाल्या, ‘‘दर शनिवारी माझे काम संपवून मी ट्रेन पकडायचे आणि दर शनिवारी प्रियांकाला भेटायला जायचे. तिला तिच्या बोर्डिंग स्कूलमध्ये जुळवून घेता येत नसल्याने तिच्यासाठी हे खूप कठीण होत होते. ती शनिवारी माझ्या येण्याची वाट पाहायची आणि मग रविवारी मी तिच्या सोबत राहायचे.’’ हा पश्चातापाने भरलेला निर्णय होता, पण प्रियांका चांगली निघाली. ती तिच्या पायावर उभी राहिली, असे सांगत त्यांनी मुलीबद्दल अभिमान व्यक्त केला.