बाहेरच्यांमुळे घराणेशाही

क्रिती सेनन अलीकडेच चित्रपटसृष्टीतील घराणेशाहीबद्दल उघडपणे बोलली. ती म्हणाली, ‘‘बाहेरच्या व्यक्तीला इंडस्ट्रीत संधी मिळणे खूप अवघड असते. यावेळी अभिनेत्रीने घराणेशाहीसाठी चित्रपटसृष्टीला नव्हे तर बाहेरील लोकांना जबाबदार धरले.’’

क्रितीने गोव्यातील ५५ व्या आंतरराष्ट्रीय चित्रपट महोत्सवात मास्टरक्लासमध्ये भाग घेतला होता. यादरम्यान ती म्हणाली की, चित्रपट उद्योग हे मीडिया आणि प्रेक्षक जितके जबाबदार आहेत तितके घराणेशाहीला जबाबदार नाहीत. स्टार किड्सबद्दल मीडिया जे काही दाखवतो, ते प्रेक्षक मोठ्या उत्सुकतेने पाहतात, त्यामुळे फिल्म इंडस्ट्रीतील लोकांना वाटू लागते की जर प्रेक्षकांना स्टार किड्सबद्दल जास्त रस असेल तर त्यांच्यासोबत चित्रपट करणे चांगले होईल. मला वाटते की ते एक सर्कल आहे.

तुमच्यात टॅलेंट असेल तर तुम्ही काहीही करू शकता, असे क्रिती  म्हणाली. जर तुम्ही प्रतिभावान नसाल आणि प्रेक्षकांशी कनेक्ट होऊ शकत नसाल तर तुम्ही काहीही करू शकत नाही. जेव्हा तुम्ही फिल्म इंडस्ट्रीच्या पार्श्वभूमीचे नसता तेव्हा तुम्हाला खूप अडचणींचा सामना करावा लागतो. प्रत्येक गोष्टीत थोडा संघर्ष असतो. पण मेहनत केली तर यश मिळते.

क्रिती नुकतीच 'दो पत्ती'मध्ये दिसली होती. या चित्रपटात शाहीर शेख आणि काजोल यांच्याही महत्त्वाच्या भूमिका होत्या. क्रितीने २०१४ मध्ये 'हिरोपंती' चित्रपटाद्वारे बॉलिवूडमध्ये पदार्पण केले होते.