अफेअर होते, पण कंगनाचे आरोप खोटे; आदित्य पंचोलीच्या पत्नीने सोडले मौन

एकेकाळी कंगना रणौत आणि आदित्य पंचोलीचे एक्स्ट्रा मॅरिटल अफेअर चर्चेत होते. दोघे तीन वर्षे रिलेशनशिपमध्ये होते. पण त्यानंतर कंगनाने आदित्यवर मारहाणीचे गंभीर आरोप केले. बचावात आदित्यने कंगनाशी संबंधित अनेक खुलासेही केले. आता अनेक वर्षांनंतर आदित्य पंचोलीची पत्नी आणि अभिनेत्री झरिना वहाबने यावर मौन सोडले आहे. ‘‘त्यांचे अफेअर होते, हे दुर्देवाने खरे आहे. कंगना अनेकदा घरी यायची, पण तिला पाहिजे ते मिळाले नाही, त्यामुळे तिने आरोप करायला सुरुवात केली. तिचे आरोप पूर्णपणे खोटे आहेत,’’ असे तिने सांगितले.

आदित्य पांचोलीची एक्स गर्लफ्रेंड पूजा बेदी असो की कंगना, दोघांनीही त्याच्या गैरवर्तनावर बोट ठेवले होते. आदित्य खरोखरच शिवीगाळ करतात का, असा प्रश्न विचारला असता झरिना म्हणाली, ‘‘अजिबात नाही. आदित्यने असे केले नव्हते. तीही खूप गोड आहे. पण माहित नाही ती इतकी वाईट कशी झाली. गर्लफ्रेंड तर गैरवर्तनाबद्दल बोलतील, कारण त्यांना पाहिजे ते मिळाले नाही. माझे तिच्यासोबत खूप चांगले संबंध होते. ती माझ्या घरीही यायची. मात्र कळत नाही का सगळं चुकलं? पण मला हे नक्की माहीत होतं की आदित्य जे पाहू शकत नाही ते मी पाहू शकते. पण मला वाटले की वेळच त्याला सर्वकाही सांगेन. यावर आता मी न बोललेले बरे आहे.’’  

आदित्य पंचोलीसोबत ब्रेकअप झाल्यानंतर कंगनाने एका मुलाखतीत सांगितले होते की, आदित्यने तिच्यावर हात उचलला तेव्हा ती फक्त १७ वर्षांची होती. आदित्यने तिच्या डोक्यावर प्रहार केला. प्रत्युत्तरात कंगनाने त्याला चप्पल मारली. या मारामारीत दोघेही जखमी झाले. या भांडणानंतर कंगनाने झरिनाकडे मदत मागितली होती.

कंगनाने आरोप केल्यानंतर आदित्यने आपली बाजू मांडली. त्याने सांगितले होते की, २००८ मध्ये त्याने कंगनाला ५५६ लाख रुपये दिले होते. त्यावेळी कंगनाला घर घेण्यासाठी एक कोटी रुपयांची गरज होती. अशा परिस्थितीत आदित्यने तिला ५५ लाख रुपये दिले आणि उर्वरित कर्ज त्याच्या बँकर मित्राच्या मदतीने मिळवले. कंगनाने २५ लाख रुपये परत केले होते, तर तिच्याकडे ३० लाख रुपये अद्यापही बाकी आहेत.

आदित्यने कंगनावर फसवणूक केल्याचा आरोपही केला होता. ‘‘आम्ही व्यवहारात पती-पत्नीसारखे होतो. मी तिच्यासाठी यारी रोड येथे घरही बांधले. आम्ही तीन वर्षे एकत्र राहिलो. मी तिला पहिल्यांदा भेटलो तेव्हा तिच्याकडे पैसे नव्हते. मी तिला पहिल्यांदा एका मुलासोबत बाईकवर फिरताना पाहिले होते. तिने माझ्याजवळ येऊन स्वतःची ओळख करून दिली. मला आठवले की माझ्या एका मित्राने मला परस्पर तिला मदत करण्यास सांगितले होते. त्यावेळी ती नवी मुंबईत आली होती. यानंतर कंगनाने मला सतत फोन करायला सुरुवात केली. मग आम्ही भेटलो. ती खूप गोड आणि गावातील मुलगी होती आणि मी तिच्या प्रेमात पडलो. एकदा ती झोपली असताना मी तिच्या फोनवरून तिच्या सहकलाकाराला पाठवलेले काही संदेश पाहिले, जे अजिबात निर्दोष नव्हते. मला खूप वाईट वाटले कारण ती मलाही असेच शब्द म्हणायची. त्यावेळी मी तिला पहिल्यांदाच मारले होते. आमच्यात भांडण झाले, पण नंतर समेट झाला,’’ असे आदित्यने सांगितले होते.