अरबाज बनणार होता ‘खिलाडी’

'खिलाडी' हा चित्रपट १९९२ मध्ये प्रदर्शित झाला होता. या चित्रपटात अक्षय कुमार व्यतिरिक्त दीपक तिजोरी, आएशा झुल्कादेखील दिसले होते. अरबाजने १९९६ मध्ये अब्बास-मस्तान यांच्या रोमँटिक थ्रिलर 'दरार'मधून बॉलिवूडमध्ये पदार्पण केले. या चित्रपटात त्याच्यासोबत जुही चावला आणि ऋषी कपूरही होते.

अरबाजने एका मुलाखतीत सांगितले की, ‘मला  अब्बास-मस्तान जोडीने आणखी एका चित्रपटाची ऑफर दिली होती. मात्र, मी तो चित्रपट करू शकलो नाही. कारण त्यावेळी मी आणखी एका दिग्दर्शकासोबत दुसरा चित्रपट साइन केला होता. मी नाकारलेला चित्रपट 'खिलाडी' होता. मला अक्षयकुमारची भूमिका ऑफर झाली होती. पण दुर्दैवाने मी साइन केलेला चित्रपट बनला नाही. तर अक्षय कुमारने 'खिलाडी' केला. हा चित्रपट खूप गाजला आणि अक्षय स्टार झाला.’’

१९९२ च्या चित्रपटानंतर, अक्षयकुमारला खिलाडीकुमार हे टोपणनाव मिळाले आणि तो बॉलिवूडमधील सर्वाधिक मागणी असलेला ॲक्शन हिरो बनला. मात्र, अब्बास-मस्तान अरबाज खानला विसरले नाहीत. 'खिलाडी' नंतर त्यांनी 'बाजीगर' केला आणि त्यानंतर 'दरार' ही दिग्दर्शक जोडी माझ्याकडे आली. अरबाजने खुलासा केला की, 'दरार' चित्रपटाच्या साइनिंग अमाउंटसाठी त्याला एक लाख रुपये मिळाले होते. तो म्हणाला- हे ब्रेकसारखे होते आणि पैशाने काही फरक पडला नाही. ती फक्त टोकन रक्कम होती. त्यावेळी काही फरक पडला नाही, कारण तो चित्रपट माझा पदार्पणाचा चित्रपट होता.

अरबाजने सांगितले की, या चित्रपटातील माश्या कामासाठी मिळालेली प्रशंसा त्याच्यासाठी पैशापेक्षा जास्त आहे. अरबाजला 'दरार'साठी फिल्मफेअर अवॉर्डही मिळाला होता. या चित्रपटातील आपला अनुभव सांगताना अरबाज म्हणाला, ‘‘जुही चावला आणि ऋषी कपूर यांसारख्या लोकप्रिय अभिनेत्यांसोबत स्क्रीन शेअर करण्याचा अनुभव खूप छान होता. एक नवोदित म्हणून, अशा स्टार्ससह परफॉर्म करणे आणि स्वत:ला पकडणे सोपे नव्हते. सुदैवाने दिग्दर्शक आणि कलाकारांच्या मदतीने मी चित्रपटात चांगले काम केले.’’

'दरार'नंतर अरबाज खानने 'प्यार किया तो डरना क्या' आणि 'हॅलो ब्रदर'मध्ये काम केले. या दोन्ही चित्रपटांचे दिग्दर्शन त्याचा भाऊ सोहेल खान याने केले होते. अरबाज पुढे म्हणाला, ‘‘जेव्हा सोहेलने करिअरला सुरुवात केली तेव्हा तो फक्त २२-२३ वर्षांचा होता. आम्ही दोघांनी एकाच वेळी आमची कारकीर्द सुरू केली. मी अभिनेता म्हणून आणि सोहेल दिग्दर्शक म्हणून. जेव्हा आम्ही एकत्र काम केले तेव्हा आमचे दोनच चित्रपट होते. नंतर आमच्या  वाटा वेगळ्या होत गेल्या.’’