लोकसभा, विधानसभा निवडणुकांपर्यंत माझ्याकडेच नेतृत्व
#छत्रपती संभाजीनगर
गेल्या सहा महिन्यांपासून प्रदेशाध्यक्ष बदलण्याच्या जरी चर्चा सुरू असल्या तरी माझ्याच नेतृत्वाखाली लोकसभा आणि विधानसभा निवडणुका होतील, असे काँग्रेस प्रदेशाध्यक्ष नाना पटोले यांनी बुधवारी छत्रपती संभाजीनगर येथे स्पष्ट केले आहे.
प्रदेशाध्यक्ष बदलण्याची शक्यता त्यांनी फेटाळून लावली. अधिवेशनाच्या शेवटच्या दिवशी विजय वडेट्टीवार यांची निवड झाल्यानंतर विदर्भातच प्रदेशाध्यक्षपद आणि विरोधी पक्ष नेतेपद असल्याने समतोल राखण्यासाठी काँग्रेस प्रदेशाध्यक्ष पद अन्य व्यक्तीकडे दिले जाण्याची चर्चा सुरू झाली. प्रदेशाध्यक्ष बदलाची केवळ चर्चा आहे. राहुल गांधी माझ्या कामावर समाधानी आहेत. प्रदेशाध्यक्ष बदलणार ही चर्चा गेले सहा महिने सुरू आहे. मात्र, त्यात काही तथ्य नसल्याचे पटोले म्हणाले.
