संग्रहित छायाचित्र
पुणे : महाराष्ट्र राज्य माध्यमिक आणि उच्च माध्यमिक शिक्षण मंडळाकडून दहावी आणि बारावीच्या परीक्षेच्या निकालाची पालक आणि विद्यार्थी आतुरतेने वाट पाहताना दिसत आहेत. जवळपास सर्वच बोर्डांचे निकाल जाहिर करण्यात आले. मात्र, महाराष्ट्र राज्य माध्यमिक आणि उच्च माध्यमिक शिक्षण मंडळाचा निकाल अजून लागला नाहीये. नुकताच केंद्रीय माध्यमिक शिक्षण मंडळ (CBSE) कडून निकाल जाहिर करण्यात आलाय. आता महाराष्ट्र राज्य माध्यमिक आणि उच्च माध्यमिक शिक्षण मंडळाचा निकाल कधी लागणार, याबद्दल पालक आणि विद्यार्थ्यांना उत्सूकता लागली आहे.
महाराष्ट्र राज्य माध्यमिक आणि उच्च माध्यमिक शिक्षण मंडळाचा दहावी आणि बारावीचा निकाल मेच्या दुसऱ्या आठवड्यात लागेल. आता निकालाबद्दल अत्यंत मोठे अपडेट आले आहे. राज्यात दहावीची परीक्षा ही 1 मार्च ते 26 मार्च 2024 पर्यंत सुरू होती. बारावीची परीक्षा 21 फेब्रुवारी ते 19 मार्च 2024 यादरम्यान पार पडली.
आता नुकताच दहावी आणि बारावीच्या निकालाबद्दल अत्यंत मोठे अपडेट पुढे आले. याबद्दल मोठी माहिती सांगितली आहे.
" महाराष्ट्र राज्य माध्यमिक आणि उच्च माध्यमिक शिक्षण मंडळाचा बारावीचा निकाल हा मेच्या तिसऱ्या आठवड्यात लागेल," अशी माहिती महाराष्ट्र राज्य माध्यमिक आणि उच्च माध्यमिक शिक्षण मंडळाचे अध्यक्ष शरद गोसावी यांनी दिली आहे.
मेच्या चाैथ्या आठवड्यात बारावीचा निकाल लागेल. म्हणजेच काय तर दहावी आणि बारावीच्या विद्यार्थ्यांना अजून थोडी वाट पाहावी लागणार आहे. महाराष्ट्र राज्य माध्यमिक आणि उच्च माध्यमिक शिक्षण मंडळाकडून निकालाची तारीख आता जाहिर करण्यात आली आहे. अगोदर बारावीचा निकाल लागेल आणि त्यानंतर दहावीचा निकाल लागेल. त्यामुळे यंदाच्या निकालांमध्ये मुली बाजी मारणार की मुलांकडून कुरघोडी होणार हे पाहणे औत्सुक्याचे ठरणार आहे.
महाराष्ट्र राज्य माध्यमिक आणि उच्च माध्यमिक शिक्षण मंडळाच्या तारखा या आपल्याला mahahsscboard.in येथे मिळतील. mahresult.nic.in आणि msbshse.co.in या साईटवर आपण दहावी आणि बारावीचा निकाल पाहता येईल.
