संग्रहित छायाचित्र
मोटारसायकलवरून येऊन सोनसाखळ्या हिसकावणारे चोरटे पुणे शहरात पुन्हा सक्रीय झाले आहेत. कोरेगाव पार्क परिसरात नॉर्थ मेन रोडवर मोटारसायकलवरून आलेल्या दोघांनी महिलेच्या गळ्यातील मंगळसूत्र हिसकावून नेल्याचा प्रकार घडला आहे.
या प्रकरणी पद्मा चव्हाण यांनी कोरेगाव पार्क पोलीस ठाण्यात फिर्याद दिली आहे. पोलीसांनी दिलेल्या माहितीनुसार, चव्हाण या रविवारी रात्री साडेदहा वाजण्याच्या सुमारास नॉर्थ मेन रोडवरून पायी जात होत्या. स्टारबक्ससमोर काळ्या रंगाच्या मोटारसायकलवरून दोघे आले. मागे बसलेल्याने त्यांच्या गळ्यातील सत्तर हजार रुपये किंमतीचे मंगळसूत्र हिसकावून नेले. यानंतर पद्मा यांनी पोलीसांत धाव घेतली. या प्रकरणाचा अधिक तपास कोरेगाव पार्क पोलीस करत आहेत.
