Pune News: पुणेकरांसाठी पर्वणी, 'सवाई गंधर्व भीमसेन महोत्सव' डिसेंबरमध्ये

पुणे: भारतीय अभिजात शास्त्रीय संगीत परंपरेचा अत्युच्च सोहळा असलेला ‘सवाई गंधर्व भीमसेन महोत्सवा'च्या तारखा जाहीर झाल्या आहेत. १८ ते २२ डिसेंबर असे पाच दिवस सवाई गंधर्व भीमसेन महोत्सव पुण्यात रंगणार आहे. महोत्सवाचे यंदा ७० वे वर्ष आहे

दरवर्षी आर्य संगीत प्रसारक मंडळातर्फे सवाई गंधर्व भीमसेन महोत्सव हा शास्त्रीय संगीताचा कार्यक्रम आयोजित करण्यात येतो. या कार्यक्रमाला शास्त्रीय संगीताच्या क्षेत्रात जगभरात मान्यता आहे. या कार्यक्रमाच्या तारखा जाहीर करण्यात आल्या आहेत. मंडळाचे कार्याध्यक्ष श्रीनिवास जोशी यांनी एका पत्रकाद्वारे ही माहिती कळवली आहे. 

सवाई गंधर्व भीमसेन महोत्सव यंदा ७० व्या वर्षात पदार्पण करत आहे. १८ ते २२ डिसेंबर दरम्यान सवाई गंधर्व भीमसेन महोत्सव संपन्न होणार आहे. ५ दिवसांचा हा महोत्सव मुकुंद नगर येथील महाराष्ट्रीय मंडळाच्या क्रीडा संकुलात पार पडणार आहे. शास्त्रीय संगीत प्रेमींसाठी पर्वणी ठरणाऱ्या या स्वरयज्ञाला पुण्यासह राज्याच्या कानाकोपऱ्यातून रसिक हजेरी लावतात.