Suicide : महाविद्यालयीन विद्यार्थ्याची वसतिगृहात आत्महत्या
महाविद्यालयीन विद्यार्थ्याने वसतिगृहाच्या रुममध्ये गळफास घेऊन आत्महत्या केल्याची घटना समोर आली आहे. ही घटना पुण्यातील गोखलेनगर परिसरातील शिवाजी हौसिंग सोसायटीत असलेल्या विद्यार्थी सहाय्यक समितीच्या पी. डी. कारखानीस या वसतिगृहात मंगळवारी (दि. ९) सायंकाळी साडेसहाच्या सुमारास घडली.
राज रावसाहेब गर्जे (वय २२) असे आत्महत्या केलेल्या विद्यार्थ्याचे नाव आहे. या प्रकरणी राजचे वडील रावसाहेब गर्जे (वय ४९) यांनी चतुःश्रृंगी पोलीस ठाण्यात फिर्याद दिली आहे. त्यानुसार, राजच्या एका ओळखीच्या एका मित्राविरोधात गुन्हा दाखल करण्यात आला आहे.
पोलीसांनी दिलेल्या माहितीनुसार, राज हा मुळचा बीड जिल्ह्यातील आष्टी तालुक्यातील पाटसरा गावचा आहे. तो पुण्यातील डेक्कन येथील एका नामांकीत महाविद्यालयात तिसऱ्या वर्गात शिकत होता. मात्र, त्याला त्याचा मित्र अज्ञात कारणावरून सातत्याने त्रास देत होता. अखेर मित्राच्या त्रासाला कंटाळून राजने टोकाचे पाऊस उचलले. मंगळवारी सायंकाळच्या वेळेस विद्यार्थी सहाय्यक समितीच्या पी. डी. कारखानीस या वसतिगृहातील आपल्या रुममध्ये गळफास लावून त्याने आत्महत्या केली. या प्रकरणाचा अधिक तपास चतुःश्रृंगी पोलीस करत आहेत.
