Fire News : आंबेगाव बुद्रुक येथे बंद फ्लॅटमध्ये लागली आग

पुण्यातील आंबेगाव बुद्रुक येथील एस्ट्रोनिया रॉयल या इमारतीमध्ये असणाऱ्या एका फ्लॅटमध्ये आग लागल्याची घटना घडली आहे. अग्निशामक दलाच्या 101 या क्रमांकावर कॉल येताच त्यांच्याकडून तीन वाहने घटनास्थळी रवाना करण्यात आली होती.

इमारतीतील दुसऱ्या मजल्यावर बंद असलेल्या टू बीएचके फ्लॅटमध्ये ही आग लागल्याची माहिती मिळत आहे. घटनास्थळी अग्निशामक दलाच्या जवानांनी जाऊन ही आग आटोक्यात आणली असून सध्या कुलिंगचे काम सुरू आहे. हा फ्लॅट बंद असल्यामुळे या आगीत कोणीही जखमी नसल्याची प्राथमिक माहिती अग्निशामक दलाच्या जवानांनी दिली आहे. आग कशामुळे लागली याचं नेमकं कारण अद्याप अस्पष्ट आहे.