Cyclothon : आठव्या भक्ती-शक्ती सायक्लोथॉनला उस्पूर्त प्रतिसाद

संपूर्ण भारतातून १२०० हून अधिक जणांनी यामध्ये सहभाग घेतला होता. आरोग्य आणि क्रीडा क्षेत्रामध्ये असणारी अग्रगण्य संस्था इन्डो अथलेटिक्स सोसायटी यांच्यामार्फत दरवर्षी हा उपक्रम राबवण्यात आला. सदर स्पर्धेचे यंदा सातवे वर्ष होते.

Cyclothon : आठव्या भक्ती-शक्ती सायक्लोथॉनला उस्पूर्त प्रतिसाद

आठव्या भक्ती-शक्ती सायक्लोथॉनला उस्पूर्त प्रतिसाद

इन्डो अथलेटिक्स सोसायटीतर्फे निगडी ते लोणावळा अशी दरवर्षी घेण्यात येणारी १०० किलोमीटर सायकलिंग स्पर्धेला उस्फुर्त प्रतिसाद मिळाला आहे. संपूर्ण भारतातून १२०० हून अधिक जणांनी यामध्ये सहभाग घेतला होता. आरोग्य आणि क्रीडा क्षेत्रामध्ये असणारी अग्रगण्य संस्था इन्डो अथलेटिक्स सोसायटी यांच्यामार्फत दरवर्षी हा उपक्रम राबवण्यात आला. सदर स्पर्धेचे यंदा सातवे वर्ष होते.

सर्व सहभागी सायकल सोबत सकाळी ५ वाजता भक्ती शक्ती निगडी येथे जमले होते. यावेळी उद्योजक अण्णारे बिरादार, इंडियन मेडिकल असोसिएशनचे डॉ. विजय सातव, डॉ. दिलीप कामत, डॉ. सुहास माटे, राष्ट्रीय स्वयंसेवक संघाचे पदाधिकारी हेमंतजी हरहरे, क्रीडा भारतीचे मिलिंदजी डांगे, उन्नती सोशल फाउंडेशनचे संजय भिसे, आयएएसचे गजानन खैरे, अजित पाटील, गणेश भुजबळ त्याचप्रमाणे अरुण डेव्हलपर्सचे रामसरण गुप्ता आणि सनदी लेखापाल कृष्णलाल बंसल यांच्यातर्फे झेंडा दाखवून सुरुवात करण्यात आली.

भक्ती शक्ती सायक्लोथॉन दरवर्षी तीन प्रकारांमध्ये घेतली जाते. त्यात २० किमी भक्ती शक्ती ते देहूरोड, ५० किमी भक्ती शक्ती ते कान्हे फाटा, १०० किमी भक्ती शक्ती ते लोणावळा. पुणे पिंपरी चिंचवड, अहमदनगर, नारायणगाव, उदगीर, सोलापूर तसेच महाराष्ट्राच्या विविध भागातून सायकल प्रेमींनी या स्पर्धेमध्ये सहभाग घेतला. यावेळी विविध क्षेत्रात उल्लेखनीय काम करणाऱ्या व्यक्तींचा सत्कार करण्यात आला. यामध्ये पुणे टू गुजरात प्रवास केलेले सुहास गदादे, संतोष झेंडे, शंतनू निगडे यांचा सत्कार पोलीस अधिकारी अजय दरेकर यांच्या हस्ते करण्यात आला.

तसेच पुणे टू कन्याकुमारी प्रवास केलेल्या सात जणांपैकी संदीप जी परदेशी आणि रणजीत सिंह, शंभरहून अधिक वेळा रक्तदान केलेले अभय खटावकर, आयर्न मॅन स्वप्निल चिंचवडे व सचिन वाकडकर, पुणे ते केदारनाथ प्रवास केलेले स्वप्निल भुमकर, राघवेंद्र बेनाडे यांचा देखील सत्कार करण्यात आला. याप्रसंगी असा विविध राईट यशस्वीपणे पूर्ण करणाऱ्या अशा विविध सायकल प्रवास करणाऱ्या टींमचा सत्कार करण्यात आला.

भक्ती शक्ती सायक्लोथॉनचा नियोजनामध्ये इंडो ऍथलेटिक सोसायटीचा मोठ्या टीमचा सहभाग होता. त्यात गिरीराज उमरीकर, रमेश माने, अमृता पाटील, रवींद्र पाटील, सुधाकर टिळेकर, प्रमोद चिंचवडे, अविनाश चौगुले, निकिता चौगुले, श्रीराम पाटील, विवेक कडू, विशाल कोल्हे, अनुप कोहले, प्रणव कडू, सुजित नाईक, रवी पाटील, संदीप लोहकर, अमित पवार, नितीन पवार, सुशील मोरे, रोहित जयसिंघानी, प्रशांत तायडेसुजित मेनन, माधवन स्वामी, अभिनंदन कासार, मदन शिंदे, मारुती विधाते तर कपिल पाटील यांनी सूत्रसंचालन केले.

Join Civic Mirror Whatsapp Group for Latest Update

Share this story