जुन्या पुणे मुंबई महामार्गावर भीषण अपघात, दोघांचा मृत्यू

जुन्या पुणे मुंबई महामार्गावरील सोमाटणे फाटा येथे भीषण अपघात झाला आहे. कारच्या धडकेत दुचाकीवरील दोन जणांचा मृत्यू झाला आहे. हा अपघात आज (बुधवारी) सकाळच्या सुमारास घडला आहे. अपघातानंतर महामार्गावर प्रचंड वाहतूक कोंडी झाली होती.

मिळालेल्या माहितीनुसार, जुन्या पुणे मुंबई महामार्गावरील सोमाटणे फाटा येथे कार आणि मोपेड दुचाकीचा जोरदार धडक झाली. मुंबई लेनवर ही धडक झाली. या अपघातात दुचाकी वरील दोघेजण गंभीर जखमी झाले. अपघातानंतर जखमींना तात्काळ जवळच्या खासगी रुग्णालयात उपचारासाठी दाखल करण्यात आले होते. मात्र, उपचारादरम्यान त्यांच्या मृत्यू झाला आहे.