File Photo
सोशल मीडियावर 'व्हायरल भाभी' म्हणून ओळखली जाणारी हेमा शर्मा आता 'बिग बॉस १८' मध्ये स्पर्धक म्हणून दिसणार आहे.फटकळ बोलण्यासाठी प्रसिद्ध असलेली हेमा ‘बिग बाॅस’मध्ये काय करणार, यबाबत घरातील उत्सुकता आहे. ‘‘मी कोणत्याही प्रकारचा अपमान सहन करणार नाही. मी नेहमीच तिच्या सन्मानासाठी उभी राहील. मला माझी खरी ओळख जपत या शोमध्ये पुढे जायचे आहे,’’ असे तिने सांगितले.
मी खूप साधी मुलगी आहे, ना कुठली फिल्मी पार्श्वभूमी आहे ना कुठला गॉडफादर. रातोरात सगळं बदललं. मला वाटले होते की मी फक्त मुलाखत देईन आणि बघू, पण प्रत्यक्षात असे काही होईल असे कधीच वाटले नव्हते. 'बिग बॉस' करणं माझ्यासाठी स्वप्नवत वाटतंय. मी यूपी मधील एका छोट्या गावातून आली आहे, जिथे मुली साडी नेसून फिरत असतात. आपली निवड झाली, यावर माझा अजूनही विश्वास बसत नाही, असेही हेमा म्हणाली.
'व्हायरल भाभी' एक धडधाकट स्त्री आहे. ती स्वत:चे पैसे कमावते, स्वतःच्या शैलीत जगते, साडी नेसते आणि कमरेला पल्लू बांधते तेव्हा लोक नुसते बघतात. ही माझी ताकद आहे आणि मी ती माझ्या फायद्यासाठी वापरेन. लोक भावाबद्दल विचारतील किंवा नसतील, पण भाभीबद्दल नक्कीच विचारतात, हे तर तुम्हा सर्वांना माहित आहे, असे सांगताना हेमाने आपण शोमध्ये काहीतरी हटके करणार असल्याचे संकेत दिले.
वैवाहिक जीवनात असलेल्या अनुभवांमुळे पुरुषांबाबत सावध असल्याचे हेमाने सांगितले. ‘‘मी माझ्या आयुष्यात पुरुषांमुळे, विशेषतः माझ्या वैवाहिक जीवनात खूप त्रास पाहिला आहे. मला वाटते की माझे हृदय मुलींसाठी खूप मऊ आहे, मी कोणत्याही मुलीला दुःखात पाहू शकत नाही. पण जेव्हा मुलांचा प्रश्न येतो तेव्हा मला त्यात रस नाही. मुलांपेक्षा माझ्या खेळावर अधिक लक्ष केंद्रित करण्याचा प्रयत्न करेन. मला स्वतःचे नाव कमवायचे आहे. मला माहित आहे की ते नाव कायम राहील. माझ्या मेहनतीमुळे मी इथवर येऊ शकले. आता मला स्वत:ला सिद्ध करायचे आहे,’’ असे ती म्हणाली. feedback@civicmirror.in