Los Angeles wildfire celebrity update
गेल्या काही दिवसांपासून लॉस एंजेलिसच्या जंगलात अग्नितांडव सुरु आहे. काही केल्या आग थांबायला तयार नाही. अग्नीतांडवामुळं अनेक हॉलीवुड कलाकारांना आपली घरं सोडावी लागली आहेत. अनेकांची घरं आगीत भस्म झाली आहेत. अशातच बॉलिवूड अभिनेत्री प्रिती झिंटाची एक भावनिक पोस्ट व्हायरल झाली आहे.
लोकप्रिय अभिनेत्री प्रिती झिंटा युएसमधील लॉस एंजेलिसमध्ये स्थायिक असून ती तिच्या परिवारासोबत तेथे राहते. त्यामुळं तिच्या चाहत्यांनी तिच्या मित्रपरिवाराने सोशल मीडियावरु तिच्यासंदर्भात चिंता व्यक्त केली आहे. दरम्यान अभिनेत्रीचे एक पोस्ट करत ती आणि तिचा परिवार सुरक्षित असल्याची भावना व्यक्त केली आहे.
प्रिती झिंटाची नेमकी पोस्ट काय?
'मी कधीच विचार केला नव्हता की, एलएममधील आमच्या शेजारी राहणाऱ्या मित्रांना आणि त्यांच्या कुटूंबांना सुरक्षिततेच्या कारणास्तव स्थलांतरीत कराव लागेल. इकडच्या सगळ्यांना सतर्क राहण्यास सांगितलं आहे. धुरकट आकाशातून बर्फासारखी राख खाली पडतेय. वाऱ्याचा जोर कमी नाही झाला, तर काय होईल, याची भीती आहे. लहान मुलं आणि वयोवृद्धांबरोबर आम्ही या परिस्थितीचा सामना करत आहोत. आमच्या परिसरात झालेल्या विनाशामुळं मी निराश झाली आहे. देवाचे आभार की आम्ही सध्या तरी सुरक्षित आहोत. ज्यांनी या आगीत आपलं सर्वस्त गमावलं आहे. त्यांच्यासाठी माझ्या प्रार्थना आहे. लवकरच वारा शांत होईल आणि आग विझवली जाईल अशी आशा आहे. अग्निशामक विभाग, कर्मचारी आणि आगीत अडकलेल्या अनेकांचे जीव वाचवण्यासाठी मेहनत करणाऱ्या प्रत्येकाचे मनपूर्वक आभार. सर्वांनी काळजी घ्या.' अशा आशयाची पोस्ट प्रिती झिंटाने शेअर करत आपल्या भावना व्यक्त केल्या आहेत.
I never thought I would live to see a day where fires would ravage neighbourhoods around us in La, friends & families either evacuated or put on high alert, ash descending from smoggy skies like snow & fear & uncertainty about what will happen if the wind does not calm down with…
— Preity G Zinta (@realpreityzinta) January 11, 2025
लॉल एंजलिसमध्ये लागलेल्या या आगीमुळं आत्तापर्यंत 30, हजारहून अधिक रहिवाशांना त्यांच घरं सोडावं लागलं आहे. तर कॉलिफोर्नियामध्ये गव्हर्नर गेविन न्यूजम यांनी आपत्कालीन स्थिती जाहीर केली आहे.
