संग्रहित छायाचित्र
अभिनेता कार्तिक आर्यन (kartik aaryan) सध्या 'चंदू चॅम्पियन' चित्रपटामुळे चर्चेत आहे. या चित्रपटामुळे त्याला प्रेक्षकांचे प्रचंड प्रेम मिळाले आहे. इंडस्ट्रीतील लोकही कार्तिक आर्यनच्या कामाचं कौतुक करत आहेत. एकेकाळी इंडस्ट्रीत त्याच्याबद्दल खूप नकारात्मक चर्चा रंगल्या होत्या. अलीकडेच एका मुलाखतीदरम्यान कार्तिकने सांगितले की, तो स्वतःला नकारात्मकतेपासून दूर ठेवतो.
कार्तिक आर्यन म्हणाला, ‘‘मी नकारात्मकतेपासून दूर राहण्याची कला शिकलो आहे. निरुपयोगी गोष्टींकडे लक्ष देण्याऐवजी मी फक्त माझ्या कामावर लक्ष केंद्रित करतो. मला विश्वास आहे की तुमचे कार्य स्वतःसाठी बोलते. मला माझ्या कामातून प्रतिसाद द्यायला आवडते.’’
कार्तिक आर्यनने करण जोहर आणि संदीप सिंग यांच्या आरोपांचा वाद होईपर्यंत मौन बाळगले. तो म्हणाला, ‘‘मी कोणाला बोलून उत्तर देत नाही. मला माझ्या कामातून प्रतिसाद द्यायला आवडते. मी गप्प बसतो आणि सर्व ऐकतो. त्यात खूप शक्ती आहे.’’
'चंदू चॅम्पियन' पाहिल्यानंतर करण जोहरने त्याच्या इन्स्टाग्राम हँडलवर एक स्टोरी शेअर केली आहे. 'चंदू चॅम्पियन'चे पोस्टर शेअर करताना त्याने कार्तिक आर्यन आणि दिग्दर्शक कबीर खानचे कौतुक केले. करण जोहरने या चित्रपटाला उत्तम चित्रपट म्हटले होते. २०२१ मध्ये करण आणि कार्तिकमध्ये मतभेद झाल्याच्या बातम्या आल्या होत्या.
जेव्हा कार्तिकला करणच्या 'दोस्ताना २' चित्रपटासाठी कास्ट करण्यात आले होते, परंतु नंतर या चित्रपटासाठी पुन्हा कास्टिंगची घोषणा करण्यात आली. त्यामुळे दोघांमध्ये मतभेदाची अटकळ सुरू झाली.
निर्माता संदीप सिंह यांनी कार्तिक आर्यनबद्दल मोठा दावा केला होता की आता कार्तिक त्याच्या मेसेजलाही प्रतिसाद देत नाही. पूर्वी दोघेही एकत्र हँग आउट करायचे, एकत्र जेवायचे आणि प्यायचे.
पण आता कार्तिक त्याच्याशी बोलतही नाही. यावर कार्तिकने हसून प्रतिक्रया देणे टाळले.
