संग्रहित छायाचित्र
बॉलिवूड आणि हॉलिवूड अभिनेत्री प्रियांका चोप्रा सेटवर पुन्हा जखमी झाली आहे. यापूर्वी अनेकदा शूटिंगदरम्यान तिला दुखापत झाली होता. आता पुन्हा एकदा तिच्या गळ्याला जखम झाल्याचे समोर आले आहे. तिने शेअर केलेल्या फोटोत गळ्यावर व्रण दिसत आहेत.
'द ब्लफ' या आगामी हॉलिवूड सिनेमाच्या शूटिंगदरम्यान प्रियांकासोबत ही घटना घडली. ऑस्ट्रेलियात सिनेमाचे शूटिंग सुरू आहे. शूटिंगदरम्या तिच्या गळ्यावर खरचटल्याचे व्रण पाहायला मिळत आहेत. या घडनेत ती थोडक्यात बचावली आहे. हा फोटो शेअर केल्यानंतर चाहते चिंतेत पडले होते. ही पहिलीच घटना नाही , यापूर्वी सिनेमाच्या शूटिंगदरम्यान प्रियांकासोबत अशा घटना घडल्या आहेत. प्रियांका गेल्या काही वर्षांपासून अॅक्शन सिनेमेच जास्त करताना दिसतेय. त्यामुळे अशा सिनेमांच्या शूटिंगरम्यान तिला अनेकदा जखमा झाल्या आहेत. प्रियांका 'द ब्लफ' सिनेमात कार्ल अर्बन सोबत काम करत आहे. हा सिनेमा ओटीटीवर प्रदर्शित होणार आहे. तसेच चित्रपट प्राइम व्हिडि व्हीडीओवर पाहता येणार आहे. दरम्यान, एप्रिल महिन्यात प्रियांका 'हेड ऑफ स्टेट'च्या सेटवरही जखमी झाली होती. याचे फोटोही सोशल मीडियावर व्हायरल झाले होते.
काही महिन्यांपूर्वी प्रियांका महिनाभराच्या सुट्टीवर भारतात होती. पती निक जोनास आणि लेक मालती मेरी यांच्याबरोबर ही सुट्टी घालवून ती अमेरिकेला परतली. दरम्यान, प्रियांका चोप्रा फरहान अख्तरच्या ‘जी ले जरा’ या कलाकृतीत कतरिना कैफ आणि आलिया भट यांच्यासोबत झळकणार असल्याची चर्चा होती, मात्र पुन्हा या सिनेमाचं काम रखडलं आहे. या चित्रपटाचं काम तिघींच्या एकत्र तारखा मिळत नसल्यानं अद्याप सुरू झालेले नसल्याचे म्हटले जात आहे. मात्र, या चित्रपटापूर्वी हाती असलेले हॉलिवूडचे प्रोजेक्ट संपवण्याचा प्रियांकाचा विचार आहे. शूटिंगमधून वेळ काढत प्रियांका लेक मालतीसोबत खेळताना दिसते. नुकताच तिने भातुकली खेळतानाचा एक फोटो शेअर केला होता.