हॅपी बर्थ डे, अँजेलिना!
जगातील सर्वात सुंदर अभिनेत्री म्हणून ओळखली जाणारी अँजेलिना जोली ४८ वर्षांची झाली आहे. स्टारकिड असलेली अँजेलिना वयाच्या १४ व्या वर्षी लिव्ह-इनमध्ये राहात होती. चित्रपटांमध्ये येऊन तिने आपली प्रतिमा पूर्णपणे बदलून टाकली. ती इतकी सुंदर दिसते की तिच्यासारखे दिसण्याच्या इच्छेने एका इराणी मुलीने स्वतःवर ३० शस्त्रक्रिया केल्या. अँजेलिनाच्या ओठांना जगातील परिपूर्ण ओठ म्हटले जाते.
ती तिच्या वैयक्तिक आयुष्यामुळे देखील चर्चेत राहिली. वाढदिवसाच्या निमित्ताने तिच्या आयुष्यावर नजर टाकली तर अमली पदार्थांचे व्यसन, २ आत्महत्येचे प्रयत्न, ३ अयशस्वी विवाह आणि १३ हजार कोटींच्या संपत्तीची मालकीण हा तिच्या आयुष्याचा सर्वसाधारण प्रवास म्हणता येईल. ४ जून १९७५ ला कॅलिफोर्नियामध्ये जन्मलेल्या अँजेलिनाचे वडील जॉन व्हाईट हे हॉलिवूड अभिनेता होते. अँजेलिनाच्या जन्माच्या एका वर्षानंतर, तिच्या पालकांचा घटस्फोट झाला आणि आईला मुलांचा ताबा मिळाला. वयाच्या सातव्या वर्षी अँजेलिनाला तिच्या वडिलांच्या लुकिंग टू गेट आउट (१९८२) चित्रपटात काम मिळाले. बांधा सडपातळ, दातांचे ब्रेसेस आणि जाड चष्मा घातल्याबद्दल अनेक मुलांनी अँजेलिनाला सुरुवातीला त्रास दिला. तिने मॉडेलिंगमध्ये प्रवेश केला, परंतु तिला काम मिळाले नाही.
किशोरवयीन असताना, अँजेलिनाला निद्रानाश झाला होता, तर ती अनेकदा राग काढण्यासाठी स्वत: ला इजा करून घ्यायची. कुटुंबाच्या अनुपस्थितीत २० वर्षीय अँजेलिनाने ड्रग्स घेण्यास सुरुवात केली.
अत्यंत नैराश्यामुळे वयाच्या १९ व्या वर्षी तिने कॉन्ट्रॅक्ट किलरची नियुक्ती करून आत्महत्येची योजना आखली, परंतु हा प्रयत्न अयशस्वी झाला. यानंतर वयाच्या २२
व्या वर्षी पुन्हा मृत्यूचा प्रयत्न केला. १९९३ मध्ये, अँजेलिनाला सायबोर्ग २ चित्रपटात कास्ट करण्यात आले. १९९५ च्या हॅकरने तिला हॉलिवूडमध्ये ओळख मिळवून दिली. फक्त काही चित्रपटांनंतर, अँजेलिनाला जॉर्ज वॉलेस (१९९७) या मिनी-सीरिजसाठी गोल्डन ग्लोब पुरस्कार मिळाला आणि तिची गणना शीर्ष अभिनेत्रींमध्ये झाली. जॉनी ली मिलर, बिली बॉब थॉर्नटन आणि ब्रॅड पिट या तिघांशी तिचे लग्न झाले होते. २००१ च्या लारा क्रॉफ्ट: टॉम्ब रेडर या चित्रपटातून जगभरात प्रसिद्धी मिळाली. २००८ मध्ये, अँजेलिना हॉलिवूडमधील सर्वाधिक मानधन घेणारी अभिनेत्री होती, तिने २० दशलक्ष डॉलर्स मागितले होते. यासोबतच ती प्रत्येक चित्रपटाचा नफाही वाटून घ्यायची.
अँजेलिना जोली आणि ब्रॅड पिट २००५ मध्ये मिस्टर अँड मिसेस स्मिथ चित्रपटाच्या चित्रीकरणादरम्यान जवळ आले. त्यांच्या अफेअरनंतरच ब्रॅडने पत्नी जेनिफर ॲनिस्टनला घटस्फोट दिला. अँजेलिनाने पहिला जैविक मुलगा सिलोहचा पहिला फोटो गेटी हॅलो आणि पीपल मासिकाने साडेतीन दशलक्ष डॉलरमध्ये विकत घेतला होता. हे त्यावेळचे सर्वात महागडे चित्र असल्याचे बोलले जात होते.