संग्रहित छायाचित्र
सिंधुदुर्ग जिल्ह्यातील मालवणमधील राजकोट किल्ल्यावर उभारण्यात आलेल्या छत्रपती शिवाजी महाराजांचा पूर्णाकृती पुतळा कोसळल्याची दुर्दैवी घटना घडली आहे. ४ डिसेंबर २०२३ रोजी नौदल दिनानिमित्त पंतप्रधान नरेंद्र मोदी यांच्या उपस्थितीत या पूर्णाकृती पुतळ्याचं अनावरण करण्यात आलं होतं. दरम्यान हा पुतळा कोसळल्याचं कारण अद्याप समजू शकलं नाही.
छत्रपती शिवरायांचा पुतळा कोसळल्याने या पुतळ्याच्या निकृष्ट दर्जाच्या बांधकामावरून शिवप्रेमी संतप्त झाले आहेत. एक वर्षही पूर्ण झाले नाही तरीही हा पुतळा कोसळला. झाल्या प्रकारामुळे महाराष्ट्र शासनावर टीका केली जात आहे.
