संग्रहित छायाचित्र
रोहन सुनील जाधव (वय १९, रा. रहाटणी) असे जखमी तरुणाचे नाव आहे. त्यांनी काळेवाडी पोलीस ठाण्यात फिर्याद दिली आहे. संकेत लोखंडे (वय २२), आर्यन कुचेकर (वय २१), सिद्धांत वाघमारे, अशोक लोखंडे (वय ५५, सर्व रा. काळेवाडी) यांच्या विरोधात गुन्हा दाखल करण्यात आला आहे. फिर्यादी रोहन आणि त्यांचा मित्र विकी राऊत हे दत्तनगर कॉलनी येथे बर्फाचा गोळा खात थांबले होते. त्यावेळी आरोपी तिथे आले. त्यांनी जुन्या भांडणाच्या कारणावरून रोहनला लाथाबुक्क्यांनी मारहाण व शिवीगाळ केली. नंतर रोहनला जबरदस्तीने रिक्षात घालून त्यांचे अपहरण केले. त्यानंतर त्यांना लोखंडी रॉड, लाकडी फळीने बेदम मारहाण केली. यामध्ये रोहन गंभीर जखमी झाले. पोलिसांनी संकेत आणि आर्यन या दोघांना अटक केली आहे. फौजदार नाईक-निंबाळकर तपास करीत आहेत.
साईड देण्याच्या कारणावरून दोघांना बेदम मारहाण
रस्त्याने जाताना पाठीमागून येणार्‍या वाहनाला साईड न दिल्याच्या कारणावरून चौघांनी मिळून दोघांना बेदम मारहाण केली. ही घटना रविवारी (दि. ३) सकाळी दहाच्या सुमारास पाईट - खेड रोडवर पाईट गावाजवळ घडली.
ओम विजय मंजरतकर (वय २०, रा. राजगुरुनगर) यांनी म्हाळुंगे एमआयडीसी पोलीस ठाण्यात फिर्याद दिली आहे. सुरज कैलास केदारी, संजय सतीश सावंत (दोघे रा. पाळू, ता. खेड), एकनाथ रोहिदास जाधव (रा. अनावळे, ता. खेड) आणि दुधाच्या पिकअप टेम्पोवरील चालक यांच्या विरोधात गुन्हा दाखल करण्यात आला आहे. फिर्यादी ओम आणि त्यांचा मित्र पियूष उडाने हे दुचाकीवरून जात होते. त्यावेळी पाठीमागून येणार्‍या दुधाच्या पिकअप टेम्पोला त्यांनी साईड दिली नाही. त्या कारणावरून आरोपींनी शिवीगाळ करून ओम आणि त्यांच्या मित्राला बेदम मारहाण केली. तसेच, दुचाकीची तोडफोड करून नुकसान केले. सूरज आणि संजय या दोघांना पोलिसांनी अटक केली. पोलीस नाईक नागरे तपास करीत आहेत.
