बिबट्याच्या कातडीची परदेशात विक्री, पोलीसांनी टोळीचा केला पर्दाफाश

पुणे पोलीसांच्या कस्टम विभागाने साताऱ्यात केली कारवाई

बिबट्याची कातडीची तस्करी करून ती परदेशात विकणाऱ्या टोळीचा पोलीसांनी पर्दाफाश केला आहे. या प्रकरणात साताऱ्यातून एकाला अटक करण्यात आले आहे. ही कारवाई पुणे पोलीसांच्या कस्टम विभागाने शुक्रवारी (दि. १८) केली आहे.

पोलीसांनी दिलेल्या माहितीनुसार, सातारा येथे कार्यरत असलेली टोळी वन्यप्राण्यांचा अवैध व्यापार करत असल्याची विशेष गुप्त माहिती पुणे कस्टमच्या अधिकाऱ्यांना मिळाली होती. माहिती मिळाताच पोलीसांचे पथक साऱ्यात दाखल झाले. त्यांनी टोळीतील एका सदस्याच्या आवाराची झडती घेतली, जो डेअरी दुकानाच्या वेशात होता.

झडतीदरम्यान त्याच्या ताब्यातून बिबट्याचे कातडे जप्त करण्यात आले. मात्र, टोळीतील अन्य सदस्य यापूर्वीच दुबईला रवाना झाल्याचे सांगण्यात येत आहे. तपासादरम्यान ही टोळी परदेशात खरेदीदार शोधून त्याची देशाबाहेर तस्करी करण्याचा प्रयत्न करत असल्याचे उघड झाले. या प्रकरणात ताब्यात घेण्यात आलेल्या एका व्यक्तीला अटक करून सातारा न्यायालयात हजर करण्यात आले असता न्यायालयाने त्याला न्यायालयीन कोठडी सुनावली आहे.