संग्रहित छायाचित्र
मेलबर्न : भारत विरुद्ध ऑस्ट्रेलिया यांच्यामध्ये सध्या बॉर्डर-गावस्कर ट्रॉफीचे सामने सुरु आहेत. यामध्ये आता चौथा सामना २६ ते ३० डिसेंबर यादरम्यान खेळवला जाणार आहे. तिसऱ्या सामन्यानंतर भारताचा दिग्गज खेळाडू रवीचंद्रन अश्विन याने निवृत्तीची घोषणा केली. रवीचंद्रन अश्विन याने भारतासाठी ५०० हुन अधिक विकेट घेतल्या असून त्याची गणना ही दिग्गज खेळाडूंमध्ये केली जाते. गाबा कसोटीनंतर हा सामना दोन्ही संघांसाठी खूप महत्त्वाचा आहे. मालिका सध्या १-१ अशी बरोबरीत आहे. सर्वांच्या नजरा पुन्हा एकदा भारतासाठी गेल्या तीन सामन्यांमध्ये चमकदार कामगिरी करणाऱ्या जसप्रीत बुमराहवर असतील, तर बुमराहची नजर आता आर. अश्विनच्या आयसीसी रेकॉर्डवर असेल.
सध्या जसप्रीत बुमराह ८९० रेटिंगसह पहिल्या स्थानावर आहे. तर आयसीसी कसोटी क्रमवारीत भारतीय म्हणून सर्वोच्च रेटिंग मिळवण्याचा विक्रम आर. अश्विनच्या नावावर आहे. अश्विनने २०१६ मध्ये ९०४ हे सर्वोच्च रेटिंग मिळवले आहे. अश्विन आणि बुमराह यांच्यात फक्त १४ रेटिंगचा फरक आहे, जर बुमराहने दमदार कामगिरीची पुनरावृत्ती केली तर तो अश्विनचा हा विक्रम नक्कीच मोडू शकतो. जसप्रीत बुमराहच्या नावावर सर्वाधिक २१ विकेट आहेत. त्याने केवळ १०.९० च्या सरासरीने आणि २५. १४ च्या स्ट्राईक रेटने या विकेट घेतल्या आहेत. या मालिकेत त्याचा एकही सामना नाही. जर बुमराह ९ विकेट घेण्यात यशस्वी झाला तर बॉर्डर-गावस्कर ट्रॉफी मालिकेत ३० विकेट घेणारा तो पहिला भारतीय वेगवान गोलंदाज बनेल.
बॉर्डर-गावस्कर ट्रॉफी मालिकेत सर्वाधिक विकेट्स घेण्याचा विक्रम हरभजन सिंगच्या नावावर आहे, त्याने २०००-२००१ मध्ये ३२ विकेट घेतल्या होत्या. बुमराहने सातत्यपूर्ण कामगिरी केल्यास तो उरलेल्या दोन सामन्यांमध्ये भज्जीला मागे टाकू शकतो. बॉर्डर-गावस्कर ट्रॉफीच्या सीरिजमध्ये ३० बळी घेणारा पहिला भारतीय वेगवान गोलंदाज होण्यासाठी त्याला अजून ९ विकेट्सची गरज आहे. एकंदरीत,२०००-२००१ मालिकेत ३२ बळींसह मालिकेच्या एकाच आवृत्तीत सर्वाधिक बळी घेण्याचा विक्रम हरभजन सिंगच्या नावावर आहे आणि बुमराह या यादीत त्याला मागे टाकण्याची दाट शक्यता आहे. बुमराहला चौथ्या कसोटीत पाच विकेट्सची गरज आहे.
© Civic Mirror - Lexicon Broadcasting.
Licensor - Bennet and Coleman Co Ltd.
