संग्रहित छायाचित्र
ऐश्वर्या राय बच्चन आणि अभिषेक बच्चन यांच्या घटस्फोटाच्या बातम्या गेल्या अनेक दिवसांपासून चर्चेत आहेत. वैवाहिक जीवनात मतभेद झाल्यानंतर ऐश्वर्या तिच्या माहेरच्या घरी राहत असल्याच्या बातम्या आहेत. दरम्यान, तिची नणंद श्वेता नंदा बच्चन हिने तिच्या माहेरच्या घरी भेटवस्तू पाठवली आहे. त्यावर ऐश्वर्याच्या वहिनीने केलेल्या कमेंटवरून घटस्फोटाच्या बातम्या या अफवा होत्या, असे म्हटले जात आहे.
ऐश्वर्या रायचा भाऊ आदित्य राय याची पत्नी श्रीमा रायने अलीकडेच तिच्या अधिकृत इन्स्टाग्राम अकाउंटच्या स्टोरी सेक्शनमध्ये एक फोटो पोस्ट केला आहे. सुंदर पुष्पगुच्छाचा फोटो शेअर करून श्रीमाने सांगितले की, ‘‘हे गिफ्ट मला ऐश्वर्याची नणंद श्वेता नंदा बच्चन हिने पाठवले आहे. कॅप्शनमध्ये श्रीमाने लिहिले आहे, धन्यवाद निखिल नंदा आणि श्वेता. हे थक्क करणारे आहे.’’
श्रीमाच्या पोस्टने ऐश्वर्या-अभिषेकच्या घटस्फोटाच्या अफवांना पुन्हा एकदा पूर्णविराम दिला आहे आणि बच्चन आणि राय कुटुंबातील कौटुंबिक संबंध सुधारत असल्याचे संकेत मिळत आहेत. या अफवांवर अमिताभ बच्चन यांनी तीव्र नाराजी व्यक्त केली होती.
काही काळापूर्वी अमिताभ यांनी त्यांच्या ब्लॉगद्वारे कौटुंबिक समस्या मांडल्याबद्दल नाराजी व्यक्त केली होती. त्यांनी ब्लॉगमध्ये लिहिले, ‘‘मी माझ्या कुटुंबाबद्दल सार्वजनिकरित्या क्वचितच बोलतो, कारण मला सीमांचा आदर करणे आणि अंतर राखणे महत्त्वाचे वाटते. पण आजकाल सत्य जाणून न घेता अफवा पसरवल्या जातात. इतकंच नाही तर त्याचा वापर स्वतःच्या फायद्यासाठी केला जातो.
अनुमान म्हणजे पुष्टी न करता केवळ अनुमान. पडताळणीचे काम ते लोक करतात ज्यांना त्यांचे काम आणि व्यवसाय योग्य असल्याचे सिद्ध करायचे आहे. या व्यवसायात राहण्याच्या त्यांच्या इच्छेला मी आव्हान देणार नाही आणि समाजसेवा करण्याच्या त्यांच्या प्रयत्नांची प्रशंसा करेन.’’
आराध्याच्या १३व्या वाढदिवसाच्या सेलिब्रेशननंतर अमिताभ यांचा हा ब्लॉक समोर आला. खरंतर, बर्थडे सेलिब्रेशनच्या छायाचित्रांमध्ये बच्चन कुटुंबीय नसल्यामुळे ऐश्वर्या-अभिषेकच्या घटस्फोटाच्या बातम्यांनी पुन्हा एकदा जोर पकडला होता.
