संग्रहित छायाचित्र
पायात गोळी लागल्याने गेल्या काही दिवसांपासून चर्चेत असलेल्या गोविंदाची प्रकृती अचानक बिघडली आहे. नुकतेच गोविंदा शिवसेनेच्या शिंदे गटाच्या उमेदवारांच्या प्रचारासाठी रोड शोमध्ये सहभागी झाला होता. मात्र यादरम्यान छातीत दुखू लागल्याने त्याला रुग्णालयात दाखल करण्यात आले.
गोविंदा पाचोरा येथे शिवसेना (शिंदे गट) च्या शिवसेना (शिंदे गट) उमेदवारांच्या समर्थनार्थ एका रोड शोमध्ये सहभागी झाला होता. ही रॅली जळगावात पोहोचली असता त्याला छातीत तीव्र वेदना होत होत्या. तब्येत बिघडल्यावर गोविंदा रॅली अर्धवट सोडून हॉस्पिटलमध्ये पोहोचला.
सध्या त्याच्या प्रकृतीबाबत कोणतीही माहिती समोर आलेली नाही. काही रिपोर्ट्समध्ये गोविंदा रात्री उशिरा घरी पोहोचल्याचा दावा करण्यात आला आहे. गोविंदा यापूर्वी काँग्रेसचा खासदार म्हधणून निवडून आला होता.
१ ऑक्टोबर रोजी सकाळी गोविंदाच्या पायात गोळी लागली होती. गोविंदा घरी एकटाच हासेता. एका कार्यक्रमासाठी त्याला कोलकात्याला जायचे होते. दरम्यान, घरात ठेवलेले रिव्हॉल्व्हर साफ करताना अपघात झाला. गोविंदाने बंदूक साफ करून कपाटात ठेवली, त्यानंतर बंदूक खाली पडली आणि मिसफायरिंगमुळे त्याच्या पायात गोळी लागली. त्यालामुंबईतील क्रिटी केअर रुग्णालयात दाखल करण्यात आले होते. तीन दिवसांनी त्याला रुग्णालयातून डिस्चार्ज देण्यात आला.
डिस्चार्ज मिळाल्यानंतर गोविंदा मीडियाशी बोलताना म्हणाले, जे घडलं त्यावर माझा विश्वास बसत नव्हता. मी एका शोसाठी कोलकात्याला निघालो होतो. वेळ होती पहाटे ५ ची. मी रिव्हॉल्व्हर साफ करू लागलो. चुकून ट्रिगर दबले गेले.
गोळी थेट पायाला लागली होती. पायातून रक्ताचा झरा वाहू लागला. मी स्वतः व्हिडिओ रेकॉर्ड केला आणि माझ्या डॉक्टरांना पाठवला. आता मी म्हणेन की अशा बाबतीत सावधगिरी बाळगली पाहिजे. हे कोणाच्याही बाबतीत व्हायला नको, असे गोविंदाने त्यावेळी म्हटले होते.
