संग्रहित छायाचित्र
सारा अली खानने अलीकडेच तिच्या व्यवसायाबद्दल आणि तिच्या छंदाबद्दल सांगितले. यावेळी ती बालपणी घालवलेल्या सुट्ट्यांबद्दल भरभरून बोलली.
साराने सांगितले की, अभिनय हा तिचा व्यवसाय आहे. पण तिला प्रवास करणे जास्त आवडते. ती एक उत्सुक प्रवासी आहे. भारतासोबतच तिला परदेशातही प्रवास करायला आवडतो. दरवर्षी ती केदारनाथला जाते. यादरम्यान अभिनेत्रीला तिच्या लहानपणी कुटुंबासोबत सुट्टीवर जाण्याची आठवण झाली.
अलीकडेच साराने तिचे पालक सैफ अली खान आणि अमृता सिंगसोबत बालपणीच्या सुट्टीची आठवण सांगितली. साराने सांगितले की, जेव्हा तिचे आई-वडील एकत्र राहत होते, तेव्हा ती अनेकदा लंडनला सुट्टीसाठी जात असे. यावेळी तिने पतौडी पॅलेसच्या काही जुन्या आठवणीही शेअर केल्या. ‘‘इब्राहिम आणि आईला लंडन खूप आवडते आणि त्यामुळे माझ्या वडिलांनाही ते ठिकाण खूप आवडते. जेव्हा माझे आईवडील एकत्र राहत असत तेव्हा आम्ही नेहमी उन्हाळ्याच्या सुटीत लंडनला जायचो आणि ४०-४५ दिवस तेथे राहायचो. पतौडी पॅलेससोबत माझ्या बालपणीच्या अनेक आठवणी आहेत. मी मोठी झाल्यावर तिकडे फारसे जात नाही, पण तरीही नाताळ, नवीन वर्ष, दिवाळी असे सर्व सण मी तिथेच साजरे करते,’’ असे तिने सांगितले.
भारतातील प्रवासाबाबत सारा म्हणाली, ‘‘कोलंबियामधून पदवी घेतल्यानंतर २०१६ पासून मी स्वतःहून देशातील विविध ठिकाणी फिरत आहे. मला माझे कुटुंब आवडते. पण मला एकट्याने प्रवास करायलाही आवडते. ते म्हणाले, मला सर्वात जास्त उत्तराखंडला जायला आवडते, मला त्या ठिकाणाशी काही ना काही संबंध वाटतो.’’साराने २०१८ मध्ये ‘केदारनाथ’ या चित्रपटातून तिच्या करिअरची सुरुवात केली होती. यामध्ये तिच्यासोबत मुख्य भूमिकेत सुशांतसिंग राजपूत होता. या चित्रपटाचे शूटिंग केदारनाथ धामच्या आसपास झाले होते. शूटिंगदरम्यान साराने तेथे बराच वेळ घालवला. यानंतर सारा केदारनाथ धामशी इतकी जोडली गेली की ती दरवर्षी तिथे जाऊ लागली. तिने सांगितले की, तिला केदारनाथ धामशी काही संबंध वाटतो, तिथे जाऊन तिला खूप शांतता मिळते.
सध्या सारा आगामी 'मेट्रो इन दिनों' या चित्रपटामुळे चर्चेत आहे. यात आदित्य रॉय कपूर पंकज त्रिपाठी, नीना गुप्ता, अनुपम खेर आणि फातिमा सना शेख हेदेखील दिसणार आहेत. अनुराग बासू या चित्रपटाचे दिग्दर्शन करत आहेत.
