संग्रहित छायाचित्र
बॉलीवूड अभिनेत्री सोनाक्षी सिन्हा एका भलत्याच कारणामुळे चर्चेत आली आहे. सोनाक्षी सिन्हाला लोक इंटरनेटवर थेट 'तू प्रेग्नेंट आहेस का?' असा प्रश्न विचारत आहेत. याला कारणही तसेच ठरले. सोनाक्षी सिन्हा आणि तिचा नवरा झहीर इकबाल यांनी नुकतेच एक फोटोशूट केले. त्यामध्ये दोघांसोबत एक क्युट पाळीव कुत्रा देखील दिसत आहे. या पोस्टमुळे चाहत्यांना सोनाक्षी सिन्हा प्रेग्नेंट असल्याचे वाटून त्यांनी सोनाक्षीवर अभिनंदनचा वर्षाव केला. सोनाक्षी सिन्हा आणि तिचा लॉन्ग टाइम बॉयफ्रेंड या वर्षीच्या 23 जूनला लग्नाच्या बंधनात अडकले. कुटुंबीय आणि मित्र परिवाराच्या उपस्थितीत हे लग्न पार पडले होते.
अलीकडेच सोनाक्षी सिन्हा आणि झहीर इकबाल यांनी रोमँटिक अंदाजातले काही फोटो सोशल मीडियावर शेअर केले आहेत. बॉलीवूड मधले हे जोडपे सोशल मीडियावर नेहमीच सक्रिय असते. या फोटोमध्ये लाल रंगाच्या ड्रेसमध्ये सोनाक्षी सिन्हा अतिशय सुंदर दिसत आहे. तिच्या ड्रेसवर काचांची कलाकुसर केली आहे. त्यामुळे हा ड्रेस तिला अधिकच शोभून दिसतोय. सोबतच सोनाक्षी आणि झहीर यांनी एका पाळीव कुत्र्यासोबत पोज दिली आहे. ही पोस्ट चांगलीच वायरल झाली. या पोस्टमुळे सोनाक्षी लग्नानंतर चार महिन्यांनी गर्भवती असल्याचे अनेकांना वाटले. नेटकऱ्यांनी सोनाक्षीवर अभिनंदनाचा वर्षाव करून 'तू गर्भवती आहेस का?' असा सवाल केला. मात्र याबाबत या दोघांनीही कोणतीही अधिकृत घोषणा केलेली नाही. चाहते मात्र सोनाक्षीच्या लूकवर भलतेच खुष आहे.
सोनाक्षीच्या वर्कफ्रंट बद्दल बोलायचे झाले तर 'बडे मियां छोटे मियां' या चित्रपटात ती अक्षय कुमार, टायगर श्रॉफ आणि पृथ्वीराज सुकुमारन यांच्यासोबत ती मोठ्या पडद्यावर दिसली होती. तसेच आदित्य सारपोतदार यांनी दिग्दर्शित केलेल्या 'ककुडा' या हॉरर कॉमेडी चित्रपटात ती रितेश देशमुख आणि सकीब सलीम यांच्या सोबत दिसली होती. सोनाक्षीचा आगामी चित्रपट हा 'निकिता रॉय अँड द बुक ऑफ डार्कनेस' हा असणार आहे. कुश सिन्हा यांनी दिग्दर्शित केलेल्या या चित्रपटात सोनाक्षी सोबतच अर्जुन रामपाल, परेश रावल, मॅट मॅकलर हे देखील दिसणार आहेत.
