संग्रहित छायाचित्र
टेलिव्हिजनचा लोकप्रिय रिॲलिटी शो ‘बिग बॉस १८’ सध्या सततच्या भांडणांमुळे चर्चेत आहे. शो अधिक मनोरंजक बनवण्यासाठी, निर्मात्यांनी अलीकडेच दोन वाइल्ड कार्ड स्पर्धकांना प्रवेश दिला आहे. सलमानच्या जागी रवी किशन हा शो होस्ट करणार असल्याचे समोर आले आहे. आता आंतरराष्ट्रीय स्टार कार्दशियन सिस्टर्स लवकरच वाईल्ड कार्ड स्पर्धक म्हणून शोमध्ये पोहोचणार आहेत.
बिग बॉस शोचे निर्माते काही काळापासून कार्दशियन बहिणींसोबत शोमध्ये सहभागी होण्यासाठी चर्चा करत आहेत. मात्र, त्या या शोमध्ये पुढील वाईल्ड कार्ड एन्ट्री म्हणून किंवा गेस्ट म्हणून प्रवेश करणार हे अद्याप स्पष्ट झालेले नाही. सूत्रांवर विश्वास ठेवला तर, कार्दशियन बहिणी डिसेंबरमध्ये शोमध्ये प्रवेश करणार आहेत. किम, कोर्टनी आणि कोल या कार्दशियन बहिणींपैकी दोघी या शो मध्ये सहभागी होणार की तिघी, हे मात्र अद्याप स्पष्ट झालेले नाही.
किम, कोर्टनी आणि कोल या तिघींपैकी किम तिच्या सेक्सी फिगर आणि हाॅटनेसमुळे जगात प्रसिद्ध आहे. कोर्टनी आणि कोल यादेखील मागे नाहीत. या तिघींचे मिळून सोशल मीडियावर कोट्यवधी फाॅलोअर्स आहेत. कार्दशियन बहिणी किम आणि क्लो या वर्षी बिझनेस टायकून मुकेश अंबानी यांचा मुलगा अनंत अंबानीच्या लग्नात सहभागी झाल्या होत्या. भारतात आल्यानंतर किम आणि क्लो हे वादांसोबतच चर्चेतही राहिले. किमने गणेशाच्या मूर्तीसोबत काही फोटो क्लिक केले होते, जे तिने सोशल मीडियावर पोस्ट केले होते. देवाच्या मूर्तीचा वापर केल्याने तिला खूप ट्रोल करण्यात आले होते. वादानंतर तिने हे फोटो हटवले.
शोच्या जवळच्या सूत्राने सांगितले की, शोमध्ये लवकरच एक हॉट वाईल्ड कार्ड एंट्री होणार आहे. निर्माते लोकप्रिय मॉडेल आणि प्रभावशाली अदिती मिस्त्रीशी चर्चा केली असून लवकरच अदितीच्या ग्लॅमरचा तडका अनुभवायला मिळणार आहे. अदिती एक मॉडेल आणि साशल मीडिया इन्फ्लूएन्सर आहे. सोशल मीडियावर बोल्ड कंटेंटमुळे ती चर्चेत असते. अदितीने मॉडेलिंगच्या जगातही यश मिळवले आहे. २४ वर्षीय अदितीचे इन्स्टाग्रामवर २४ लाख फॉलोअर्स आहेत.
