संग्रहित छायाचित्र
अभिनेता अभिषेक बच्चन आणि त्याचं खासगी आयुष्य सध्या चर्चेचा विषय बनलं आहे. काही दिवसांपासून अभिषेक आणि त्याची पत्नी ऐश्वर्या राय यांच्यातील संबंधांबद्दल अफवा पसरत आहेत. ते दोघे घटस्फोट घेणार असल्याच्या देखील चर्चा आहेत. परंतु या चर्चांवर अद्याप दोघांनीही कोणतीही प्रतिक्रिया दिलेली नाही.मात्र, आता अभिषेकचं नाव अभिनेत्री निम्रत कौरसोबत जोडलं जातंय. निम्रतसोबत त्याने "दसवी" चित्रपटात काम केलं होतं. या सर्व अफवांबद्दल बच्चन कुटुंबाच्या एका निकटवर्तीयाने दिलेल्या एका मुलाखतीत प्रतिक्रिया दिली आहे.
या जवळच्या व्यक्तीने स्पष्ट केलं की, अभिषेक आणि निम्रतच्या नात्याच्या चर्चांमध्ये कोणताही तथ्य नाही. त्या व्यक्तीने सांगितलं की अभिषेक सध्या वैयक्तिक आयुष्यात अनेक समस्यांचा सामना करत आहे. त्यामुळे त्याला कोणत्याही नव्या वादात अडकू न देण्याचा सल्ला देण्यात आला आहे.
त्यामुळेच तो या विषयावर मौन आहे. त्याचबरोबर, त्या व्यक्तीने अभिषेक आपल्या नात्यात नेहमीच प्रामाणिक राहिल्याचंही सांगितलं आहे. मात्र अभिषेक आणि ऐश्वर्याबाबत पसरणाऱ्या अफवांमुळे बच्चन कुटुंब नाराज असल्याचं त्या व्यक्तीने नमूद केलं आहे.
याशिवाय, जया बच्चन यांच्या आईच्या निधनाची चुकीची बातमी पसरवल्याबद्दलही त्या व्यक्तीने खंत व्यक्त केली. जया बच्चन यांना या अफवेमुळे प्रचंड राग आला असून, यामागील जबाबदार व्यक्तीचा शोध घेऊन योग्य ती कायदेशीर कारवाई केली जाईल, असं त्यांनी स्पष्ट केलं.
