Pune Crime News : धक्कादायक घटनेनं पुणे हादरलं ! तोंडाला पिशवी बांधून नवजात बाळाला फेकलं रस्त्यावर

मातृत्व हे निसर्गाने स्त्रीला दिलेले वरदान आहे, परंतु या मातृत्वाला काळिमा फासल्याची घटना पुण्यातून समोर आली आहे. एका नवजात बालकाला जन्म देऊन आईने चक्क रस्त्यावर सोडून दिल्याची घटना घडली.

Pune Crime News

Pune Crime News : धक्कादायक घटनेनं पुणे हादरलं ! तोंडाला पिशवी बांधून नवजात बाळाला फेकलं रस्त्यावर

पुणे : मातृत्व हे निसर्गाने स्त्रीला दिलेले वरदान आहे, परंतु या मातृत्वाला काळिमा फासल्याची घटना पुण्यातून समोर आली आहे. एका नवजात बालकाला जन्म देऊन आईने चक्क रस्त्यावर सोडून दिल्याची घटना घडली. वडगाव बुद्रुक परिसरातील रेणुका नगरीमध्ये हा प्रकार घडला. रडण्याचा आवाज ऐकून स्थानिकांनी या बाळाचा जीव वाचवला आहे. जन्मदात्या आईने पोटच्या मुलाला चक्क रस्त्यावर सोडून दिल्याने सर्वत्र संताप व्यक्त केला जात आहे. 

याप्रकरणी अज्ञात व्यक्ती विरोधात सिंहगड पोलीस ठाण्यात गुन्हा दाखल करण्यात आला आहे. नवजात बालकाच्या पालकांचा शोध देखील सिंहगड रोड पोलीस घेत आहेत.

मिळालेल्या माहितीनुसार, सोमवारी रात्री बाळाचा रडण्याचा आवाज ऐकून आजूबाजूच्या लोकांनी सिंहगड पोलिसांना संपर्क केला. या नवजात शिशुचा रडण्याचा आवाज येऊ नये म्हणून चिमुकल्या बालकाच्या तोंडावर चक्क प्लास्टिकची पिशवी बांधण्यात आली होती. त्यानंतर, सिंहगड पोलिसांनी नवजात बाळाला तातडीने ससून रुग्णालयात दाखल केले. सध्या बालकाची तब्बेत स्थिर आहे. मात्र, बाळाला सोडून पसार होणाऱ्या व्यक्तीबद्दल तीव्र संतापाची भावना स्थानिकांकडून व्यक्त होत आहे. याप्रकरणी, अज्ञात व्यक्ती विरोधात सिंहगड पोलीस स्टेशनमध्ये गुन्हा दाखल करण्यात आला आहे. तसेच नवजात बालकाच्या पालकांचा शोध देखील सिंहगड पोलीस घेत आहेत.

Share this story

Latest