File Photo
बॉलिवूडमधील ९० च्या दशकातील प्रसिद्ध अभिनेत्री उर्मिला मातोंडकर पुन्हा एकदा चर्चेत आली आहे. मात्र, यावेळी त्याचे कारण व्यावसायिक नसून वैयक्तिक आयुष्य आहे. उर्मिला पती मोहसीन अख्तर याला घटस्फोट देणार असल्याची चर्चा आहे.उर्मिला आणि मोहसीन यांचे लग्न ३ मार्च २०१६ रोजी झाले. आता लग्नाच्या आठ वर्षानंतर त्यांच्यात सर्व काही आलबेल नसून उर्मिला घटस्फोट घेण्यास इच्छुक असल्याचे समजते.
घटस्फोट परस्पर संमतीने होत नाहीये मीडिया रिपोर्ट्सनुसार, अभिनेत्रीने मोहसीनपासून घटस्फोटासाठी अर्ज दाखल केला आहे. त्यांच्या विभक्त होण्याचे कारण समोर आलेले नाही पण सूत्रांच्या माहितीनुसार हा घटस्फोट परस्पर संमतीने होत नाहीये. सूत्रांनी असेही सांगितले की उर्मिला आणि मोहसीन बऱ्याच काळापासून एकत्र राहत नाहीत.
अद्याप घटस्फोटाच्या वृत्तावर जोडप्याच्या बाजूने कोणतीही अधिकृत प्रतिक्रिया आलेली नाही. अभिनेत्री अलीकडेच 'डीआयडी सुपर मॉम्स' सारख्या डान्स रिॲलिटी शोमध्ये जज म्हणून दिसली होती.
या घटस्फोटाचे कारण उर्मिलाचे पुनरागमनही असू शकते, अशी चर्चा आहे. तिला तिच्या कामावर लक्ष केंद्रित करून चित्रपटांमध्ये परतायचे आहे. आश्चर्याची गोष्ट म्हणजे सोशल मीडियावर सक्रिय असूनही उर्मिलाच्या अकाऊंटवर पती मोहसीनसोबतचा एकही फोटो दिसत नाही. अभिनेत्रीने गेल्या वर्षी २९ जून रोजी पतीसोबतचा शेवटचा फोटो अपलोड केला होता.
लग्नापूर्वी मनीष मल्होत्राने दोघांच्या भेटीची व्यवस्था केली होती. उर्मिलाने मोहसीन अख्तर मीरसोबत २०१६ मध्ये लग्न केले. दोघांच्या वयात १० वर्षांचा फरक आहे. या दोघांची भेट डिझायनर मनीष मल्होत्रामुळे झाली. मनीष हा दोघांचा कॉमन फ्रेंड आहे.
मोहसीन हा काश्मीरमधील एक व्यावसायिक आणि मॉडेल आहे. त्याने 'इट्स अ मॅन्स वर्ल्ड', 'लक बाय चान्स' आणि 'बीए पास' यांसारख्या चित्रपटांमध्ये काम केले आहे. तो मनीष मल्होत्राच्या लेबलशीही जोडला गेला आहे. वर्क फ्रंटवर, उर्मिला शेवटची २०१८ मध्ये रिलीज झालेल्या इरफान खानच्या 'ब्लॅकमेल' चित्रपटात दिसली होती.
