संग्रहित छायाचित्र
मराठी कलाविश्वातील सुपरस्टार म्हणजेच अभिनेते अशोक सराफ. अशोक सराफ यांनी आजवर अनेक सुपरहिट चित्रपट, मालिका आणि नाटकांमध्ये काम केलंय. मध्यंतरी काही दिवस ते छोट्या पडद्यापासून दूर होते. पण आता पुन्हा एकदा छोटा पडदा गाजवायला ते सज्ज झाले आहेत. त्यांची नवी मालिका लवकरच प्रेक्षकांच्या भेटीला येणार आहे. ‘येतोय महाराष्ट्राचा महानायक लवकर’, असे म्हणत या मालिकेचा पहिला प्रोमो समोर आला आहे. ‘कलर्स मराठी’च्या ‘अशोक मा.मा.’ या मालिकेच्या माध्यमातून अशोक मामा छोट्या पडद्यावर दमदार कमबॅक करत आहेत.
‘कलर्स मराठी’ने मालिकेची ‘अशोक मा.मा.’ पहिली झलक प्रेक्षकांच्या समोर आणली आहे. या प्रोमोमुळे या मालिकेबद्दल प्रेक्षकांमध्ये कुतूहल निर्माण झाले आहे. मालिकेचा पहिला प्रोमो आऊट झाला आहे. प्रेक्षकांलाही एक खास सरप्राईज देण्यात आले आहे. टेलिव्हिजनचा पडदा व्यापून टाकायला महाराष्ट्राचा महानायक परत येत आहे. नुकताच ‘अशोक मा.मा.’ या मालिकेचा उत्कंठा वाढवणारा प्रोमो आऊट झाला आहे. ‘अशोक मा.मा.’ या मालिकेचा प्रोमो पाहताक्षणी काहीतर गूढ, थरारक असल्याचे जाणवत आहे. प्रत्येक गोष्टीची खबरदारी घेणारे, अत्यंत शिस्तप्रिय, काटेकोरपणे वागणारे अशोक मामा दिसत आहेत. तसेच ‘शिस्त म्हणजे शिस्त’ हा त्यांच्या आयुष्याचा फंडा असल्याचे प्रोमोमध्ये स्पष्ट होत आहे. पण त्यांच्या मिश्कील अंदाजाने सर्वांच्या चेहऱ्यावर ते हसू आणणार आहेत. प्रोमोतील शेवटच्या फ्रेममध्ये दारावर लावलेल्या नेम प्लेटमध्ये ‘अशोक मा.मा.’ असे दिसत आहे. एकंदरीतच अशोक मामा आणि मालिकेतील त्यांच्या पात्राचे नाव सारखेच आहे. अशोक सराफ यांच्यासोबतच आणखी कोणते कलाकार मालिकेत झळकणार?, याबाबत उत्सुकता आहे.
या मालिकेबाबत अशोक सराफ यांनी त्यांच्या भावना व्यक्त केल्या. मालिका खूपच मनोरंजक आहे. चिन्मय मांडलेकरने या मालिकेची कथा खूप चांगल्या पद्धतीने लिहिली आहे. ‘टन टना टन’ या मालिकेनंतर अनेक वर्षांनी पुन्हा ‘कलर्स मराठी’ वाहिनीच्या माध्यमातून मी टेलिव्हिजनवर कमबॅक करतोय. शूटिंग करताना खूप मजा येत आहे. प्रेक्षकांनाही ही मालिका नक्कीच आवडेल, असे अशोक सराफ म्हणाले.
