File Photo
‘पुष्पा : ‘पुष्पा २ : द रुल’ चित्रपटाची प्रेक्षक आतुरतेने वाट पाहत आहेत. अशातच पुन्हा एकदा निर्मात्यांनी ‘पुष्पा २ : द रुल’ चित्रपटाच्या प्रदर्शनाची तारीख बदलली आहे. यासंदर्भात अल्लू अर्जुनने सोशल मीडियावर चित्रपटाचं नवं पोस्टर शेअर करून नवीन तारीख जाहीर केली आहे. द राइज’ चित्रपटानंतर गेल्या तीन वर्षांपासून अल्लू अर्जुन आणि रश्मिका मंदाना या जोडीला पुन्हा एकदा मोठ्या पडद्यावर पाहण्यासाठी प्रेक्षकांमधील उत्सुकता शिगेला पोहोचली आहे.
अल्लू अर्जुनचे २४ ऑक्टोबरला ‘पुष्पा २ : द रुल’ चित्रपटाचा नवा पोस्टर सोशल मीडियावर शेअर केला आहे. या पोस्टरमध्ये पुष्पाराजने एका हातात पडकलेला बंदूकीकडे बघत दुसरीकडे तोंडात चिल्लम पकडली आहे. नोटांच्या गड्डीत पुष्पाराज उभा राहिलेला दिसत आहे. त्यामुळे यावेळेला पुष्पाराज ‘पुष्पा : द राइज’पेक्षा अधिक श्रीमंत होणार असल्याच पाहायला मिळत आहे.
आता लाल चंदनची तस्करी करून बॉक्स ऑफिसवर धुमाकूळ घालण्यासाठी पुष्पाराज सज्ज झाला आहे. याच पोस्टरमध्ये ‘पुष्पा २ : द रुल’ चित्रपटाच्या प्रदर्शनाची नवी तारीख लिहिण्यात आली आहे.
नवी तारीख ५ डिसेंबर
सुरुवातीला ‘पुष्पा २ : द रुल’ चित्रपट ऑगस्ट महिन्यात प्रदर्शित होणार होता. पण, प्रदर्शनाची तारीख पुढे ढकलण्यात आली. कारण तेव्हाच ‘स्त्री २’ आणि इतर चित्रपट प्रदर्शित होतं होते. ६ डिसेंबर ही तारीख निश्चित करण्यात आली होती. पण, याच दिवशी विकी कौशलचा ‘छावा’ चित्रपट प्रदर्शित होत आहे. त्यामुळे आता पुष्पाराज ६ डिसेंबरला नाही तर ५ डिसेंबरला प्रेक्षकांच्या भेटीस येणार आहे.
feedback@civicmirror.in
