नॅशनल क्रशचा नवा लुक
अल्लू अर्जुन आणि रश्मिका मंदाना यांचा 'पुष्पा २' हा चित्रपट येत्या ५ डिसेंबर रोजी प्रदर्शित होणार आहे. या चित्रपटाचे अनेक पोस्टर्स आणि गाणी रिलीज झाली आहेत. दिवाळीच्या मुहूर्तावर, 'पुष्पा २' चे नवीन पोस्टर रिलीज करण्यात आले आहे, ज्यामध्ये रश्मिका आणि अल्लू अर्जुन यांच्यातील लव्ह केमिस्ट्री दिसत आहे.
रश्मिकाने इंस्टाग्रामवर चित्रपटाच्या नवीन पोस्टरमध्ये तिच्या पात्र श्रीवल्लीचा फर्स्ट लूक शेअर केला आहे. यामध्ये श्रीवल्लीच्या पतीची भूमिका साकारणारा अल्लू अर्जुन तिच्याकडे प्रेमाने पाहात आहे. या पोस्टसह रश्मिकाने लिहिले की, ''पुष्पा राज आणि श्रीवल्लीकडून तुम्हाला आणि तुमच्या कुटुंबीयांना दिवाळीच्या शुभेच्छा."
चाहते रश्मिकाच्या पोस्टवर प्रतिक्रिया देत आहेत आणि स्टार्सना दिवाळीच्या शुभेच्छा देत आहेत. या चित्रपटाची रिलीज डेट अनेक वेळा बदलण्यात आली आहे. यापूर्वी तो ६ डिसेंबर रोजी रिलीज करण्याचा निर्णय घेण्यात आला होता. पण अलीकडेच निर्मात्यांनी चाहत्यांना खूश केले आणि सांगितले की त्यांनी रिलीजची तारीख एक दिवस आधी म्हणजे ५ डिसेंबर केली आहे.
सुकुमार हे 'पुष्पा २' या चित्रपटाचे दिग्दर्शन करत आहेत. पहिल्या भागाचे दिग्दर्शनही त्यांनीच केले होते. हा चित्रपट ५०० कोटींच्या बजेटमध्ये बनवण्यात आला आहे. २०२१ मध्ये प्रदर्शित झालेला 'पुष्पा: द राइज' हा वर्षातील सर्वाधिक कमाई करणारा भारतीय चित्रपट होता. सर्व आवृत्त्यांसह, या चित्रपटाने भारतात ३१३ कोटी रुपये आणि जगभरात ३५० कोटी रुपयांचा व्यवसाय केला. सर्वाधिक कमाई करणाऱ्या तेलगू चित्रपटांच्या यादीत तो सहाव्या क्रमांकावर आहे.
