सर्वांत लोकप्रिय

इंटरनेट मुव्ही डेटाबेस अर्थात आयएमडीबीने यंदाच्या भारतातील सर्वाधिक लोकप्रिय चित्रपट स्टार्सची यादी जाहीर केली आहे. या यादीनुसार नवी नॅशनल क्रश म्हणून प्रसिद्ध असलेली हाॅट आणि सेक्सी अभिनेत्री तृप्ती डिमरीचे नाव पहिल्या क्रमांकावर आहे.

या यादीत तृप्तीने शाहरुख खान, दीपिका पदुकोण आणि आलिया भट यांना मागे टाकले आहे. आयएमडीबीच्या यादीनुसार दीपिका दुसऱ्या स्थानावर आहे, तर शाहरुख चौथ्या स्थानावर आणि आलिया नवव्या स्थानावर आहे. ईशान खट्टर तिसऱ्या क्रमांकावर आहे.

तृप्ती म्हणाली, ‘‘माझ्यावर विश्वास दाखवल्याबद्दल सर्वांचे आभार.’’ तृप्तीने या यशाबद्दल आनंद व्यक्त केला असून आयएमडीबीची कृतज्ञताही व्यक्त केली आहे. इंस्टाग्रामवर एक पोस्ट शेअर करत तिने लिहिले, ‘‘माझ्यासाठी हा खूप अनोखा क्षण आहे. किती आश्चर्यकारक वर्ष होते ते. या सन्मानासाठी आयएमडीबीचे आभार.

मला ज्या आश्चर्यकारक लोकांसोबत काम करण्याची संधी मिळाली, त्यांच्याबद्दल मी कृतज्ञ आहे. माझ्या हृदयाच्या अगदी जवळ असलेल्या पात्रांबद्दल माझ्यावर विश्वास आहे. या वर्षी ज्यांनी मला इतके प्रेम दाखवले त्यांचे मनापासून आभार. हे एक अविस्मरणीय वर्ष आहे आणि अजून बरेच वर्ष आहेत!’’

तृप्तीचा रूमर्ड बॉयफ्रेंड सॅम मर्चंटने या यशाबद्दल आनंद व्यक्त केला आहे. इन्स्टावर अभिनेत्रीची पोस्ट री-शेअर करताना, त्याने लिहिले, ‘‘अभिनंदन, तू आम्हाला अभिमानाची भावना दिली आहेस.’’‘ॲनिमल’ या चित्रपटाने तृप्तीचे नशीब चमकले. ती ‘लैला मजनू’ आणि ‘ॲनिमल‘ यांसारख्या चित्रपटांसाठी ओळखली जाते.

लैला मजनू या चित्रपटात तिने अविनाश तिवारीसोबत काम केले होते. त्याच वेळी, तिने रणबीर कपूरसोबत ‘ॲनिमल’ चित्रपटात स्क्रीन स्पेस शेअर केली. या चित्रपटातून अभिनेत्रीला चांगलीच प्रसिद्धी मिळाली. अलीकडेच तृप्ती ‘विकी विद्या का वो वाला व्हिडिओ’ आणि ‘भूलभुलैया ३’ या चित्रपटांमध्ये दिसली आहे.