संग्रहित छायाचित्र
दिवंगत सुशांतसिंग राजपूतच्या ‘छिछोरे’ (Chhichhore) या चित्रपटातील ‘खैरियत पुछो’ (Khairiyat) हे गाणे आजही लोकांच्या स्मरणात आहे. यूट्यूबवर आतापर्यंत १०० कोटींहून अधिक लोकांनी हे गाणे ऐकले आहे. बाॅलिवडूमधील फार कमी गीतांना हा मान मिळाला आहे.
हा अभिनेता आज आपल्यात नसला तरी त्याचे चित्रपट आजही आपल्याला त्याची उपस्थितीची जाणीव करून देतात. सुशांतच्या चित्रपट कारकिर्दीत ‘एमएस धोनी - द अनटोल्ड स्टोरी,’ ‘छिछोरे,’ ‘केदारनाथ’ आणि ‘काई पो छे’ यांसारख्या उत्कृष्ट चित्रपटांचा समावेश आहे.
‘छिछोरे’ चित्रपट २०१९ मध्ये प्रदर्शित झाला होता. या चित्रपटात सुशांतसोबत श्रद्धा कपूरही दिसली होती. या चित्रपटातील 'खैरियत पुछो' हे गाणे लोकांचे ‘ऑल टाईम फेवरेट’ ठरले आहे. या गाण्यात सुशांत आणि श्रद्धा यांच्यात जबरदस्त केमिस्ट्री पाहायला मिळत. या गाण्याने अनेक रेकॉर्डही मोडले आहेत. या गाण्याला यूट्यूबवर आतापर्यंत १०० कोटींहून अधिक व्ह्यूज मिळाले आहेत आणि हा ट्रेंड सातत्याने वाढत आहे. सुशांतच्या या गाण्यावर लोक जोरदार कमेंट करत आहेत. एका चाहत्याने लिहिले, ‘‘आवडते गाणे, आवडता अभिनेता, आवडता गायक आणि आवडता चित्रपट.’’ काहींनी लिहिले, ‘‘मी इथे फक्त आणि फक्त सुशांत आणि अरिजितसाठी आहे.’’
१४ जून २०२० रोजी सुशांतचे (Sushant Singh Rajput) निधन झाले. त्याने जगाचा निरोप घेऊन चार वर्षे पूर्ण झाली आहेत. मात्र त्याचा मृत्यू आजपर्यंत एक गूढच आहे. सुशांतला आठवण्याची एकही संधी चाहते सोडत नाहीत. सुशांतच्या अभिनय कारकिर्दीची सुरुवात टीव्हीवरून झाली. 'पवित्र रिश्ता' या मालिकेत मानवची भूमिका साकारून तो घराघरात प्रसिद्ध झाला. पण त्याने अभिनयाचा प्रवास सेकंड लीड म्हणून सुरू केला. सुशांतने २००८ मध्ये प्रसारित झालेल्या 'किस देश में है मेरा दिल' या शोमधून पदार्पण केले. कोणत्याही गॉडफादरशिवाय त्याने बॉलिवूडमध्येही आपला ठसा उमटवला होता. त्याचा ‘एमएस धोनी - द अनटोल्ड स्टोरी’ हा चित्रपट खूप गाजला होता.
