File Photo
ब्रेस्ट कॅन्सरशी झुंज देत असलेली अभिनेत्री हिना खानने अलीकडेच मनीष मल्होत्राच्या फॅशन शोमध्ये रॅम्प वॉक केला. पण हिना स्टेजवर कार्तिक आर्यनला भेटण्यासाठी पुढे सरकत असताना अचानक तिचा पाय अडखळला आणि ती पडू लागली. मात्र, कार्तिकने तिला सावरले. त्याचा व्हिडिओही सोशल मीडियावर व्हायरल होत आहे.
हिना खान ही काही दिवसांपूर्वी ‘सेवा साहस संस्कृती’ साजरा करण्यासाठी नमो भारत कार्यक्रमात रॅम्प वॉक करण्यासाठी आली होती. या कार्यक्रमात सोनाली बेंद्रे, ताहिरा कश्यप, कार्तिक आर्यन, हिना खान आणि तृप्ती डिमरी यांच्यासह २६/११ पीडितांनीही सहभाग घेतला.
दरम्यान, हिना ही कार्तिक आर्यनला भेटण्यासाठी स्टेजवर पोहोचताच तिचा तोल गेला आणि ती पडू लागली, त्यानंतर कार्तिक आर्यनने तिला सावरले. या घटनेचा व्हिडिओदेखील समोर आला आहे.या व्हायरल व्हिडिओवर चाहत्यांच्या वेगवेगळ्या प्रतिक्रियाही समोर येत आहेत. एकाने लिहिले की, केमोथेरपीमुळे हिनाची प्रकृती बिघडली आहे.
देव तिला लढण्यासाठी शक्ती देवो. तर काहीजण कार्तिकच्या या गोड जेस्चरचे कौतुक करत आहेत. कॅन्सर आजाराने ग्रासलेल्या अभिनेत्रीच्या धाडसालादेखील काही लोकांनी सलामही केला आहे. हिना खान स्टेज थ्री ब्रेस्ट कॅन्सरवर उपचार घेत आहे. अभिनेत्री तिच्या उपचारांशी संबंधित सर्व माहिती सोशल मीडियावर शेअर करत असते. नुकतेच हिनाने सांगितले होते की तिला आणखी एका आजाराचा सामना करावा लागत आहे.
म्यूकोसिटिस हा केमोथेरपीचा दुष्परिणाम आहे. हिना खानने लिहिले होते की, यामुळे तिला खाणे पिणे कठीण झाले आहे. ३६ वर्षीय हिनाने 'ये रिश्ता क्या कहलाता है' मधून घराघरात आपले नाव कमावले होते. याशिवाय ती 'बिग बॉस ११' मध्येही दिसली होती.
feedback@civicmirror.in
