रोहित शेट्टीच्या गाजलेल्या ‘सिंघम’सिरीजमधील ‘सिंघम अगेन’ या चित्रपटात सलमान खानची एन्ट्री आता निश्चित झाली आहे. या चित्रपटात तो चुलबुल पांडेच्या भूमिकेत सिंघमला सपोर्ट करताना दिसणार आहे.‘सिंघम अगेन’मध्ये सलमान पाहुण्या कलाकाराची भूमिका बजावणार आहे. त्याच्या कॅमिओबाबत काही काळ सस्पेंस होता, मात्र आता ते निश्चत झाले आहे. याशिवाय या चित्रपटात सलमानसह अक्षय कुमार आणि इतरही मोठे कलाकार आहेत.
अलीकडेच अशी चर्चा होती की, ‘सिंघम अगेन’मध्ये साऊथचा सुपरस्टार प्रभास आणि सलमान यांचा कॅमिओ असू शकतो. सलमानबाबतची परिस्थिती स्पष्ट झाली असली तरी प्रभासच्या कॅमिओबाबत अद्याप कोणतेही अधिकृत वक्तव्य आलेले नाही.अजय देवगण हा ‘सिंघम अगेन’ अर्थात 'सिंघम ३' मध्ये डीसीपी बाजीराव सिंघमच्या भूमिकेत परतत आहे. 'सूर्यवंशी' अक्षय कुमार आणि 'सिम्बा' रणवीर सिंह यांच्याही यात महत्त्वाच्या भूमिका आहेत. याशिवाय करीना कपूर खान, दीपिका पदुकोण, जॅकी श्रॉफ, टायगर श्रॉफ आणि अर्जुन कपूर हे देखील या चित्रपटात दिसणार आहेत.
हा चित्रपट यावर्षी दिवाळीच्या मुहूर्तावर चित्रपटगृहांमध्ये प्रदर्शित होणार आहे, जिथे त्याची टक्कर कार्तिक आर्यनच्या 'भूल भुलैया ३' या चित्रपटाशी होणार आहे. सलमान खान 'सिकंदर'च्या शूटिंगमध्ये व्यस्त सध्या सलमान एआर मुरुगदाससोबत 'सिकंदर' चित्रपटाच्या शूटिंगमध्ये व्यस्त आहे. पुढील वर्षी ईदला हा चित्रपट प्रदर्शित होणार आहे. यामध्ये रश्मिका मंदाना पहिल्यांदाच सलमानसोबत दिसणार आहे.
