संग्रहित छायाचित्र
सनी देओलचा पुढचा चित्रपट ‘बॉर्डर २’ लाँच होण्यापूर्वीच वादात सापडला आहे. हा चित्रपट १९९७ मध्ये रिलीज झालेल्या 'बॉर्डर'चा सिक्वेल आहे. आता त्या चित्रपटाशी संबंधित असलेले चित्रपट फायनान्सर आणि वितरक भरत शाह यांनी 'बॉर्डर २'च्या निर्मात्यांना जाहीर नोटीस बजावली आहे. चित्रपटाच्या पहिल्या भागाबाबत न्यायालयात खटला सुरू आहे.
जेपी दत्ता, टी-सीरीज आणि सनी देओल यांनी अलीकडेच 'बॉर्डर २'ची घोषणा केली होती. भरत शाह आणि जेपी यांच्यात मतभेद होते. या नोटीसद्वारे वकील अजय खतलावाला आणि लिटल अँड कंपनीचे भागीदार यांनी सांगितले की, त्यांचे ग्राहक भरत शाह आणि बीना भरत शाह हे 'बॉर्डर' चित्रपटाच्या जागतिक हक्काचे नियंत्रक आहेत. त्यांनी चित्रपटाचे दिग्दर्शक आणि निर्माते जेपी दत्ता यांच्याशी करार केला होता की, ते या वॉर मूव्हीला आर्थिक मदत करतील. मात्र दोन्ही पक्षांमध्ये मतभेद निर्माण झाले.
याआधी चित्रपटाची कमाई निम्म्याने विभागली जाईल, असे ठरले होते. एवढेच नाही तर जेपी दत्ता यांनी या चित्रपटावर खर्च झालेल्या पैशांची माहितीही भरत शाह यांना द्यायची होती. जेपी दत्ता यांची मुलगी निधी दत्ताही त्यांच्यासोबत 'बॉर्डर २' चित्रपटात काम करत आहे. २०१४ मध्ये त्यांनी मुंबई उच्च न्यायालयातही धाव घेतली होती जेपी दत्ता यांनी भरत शाह आणि बीना भरत शाह यांना कधीही कोणतीही माहिती दिली नाही आणि चित्रपटाची आर्थिक स्थिती आणि नफ्याचीही माहिती दिली नाही, असे या नोटीसमध्ये म्हटले आहे.
अशा परिस्थितीत आता भरत शाह आणि बीना भरत शाह यांनी जेपी दत्ता यांच्याविरोधात भारतीय चित्रपट आणि टीव्ही निर्माता परिषदेत तक्रार दाखल केली आहे. यापूर्वी २०१४ मध्ये त्यांनी मुंबई उच्च न्यायालयातही धाव घेतली होती. हे प्रकरण आता दिवाणी न्यायालयात वर्ग करण्यात आले आहे.
फिल्म फायनान्सर भरत शाह यांनी शाहरुख खानच्या 'डर', 'येस बॉस' आणि 'देवदास'सह अनेक चित्रपटांची निर्मिती केली आहे. सनी, वरुण आणि दिलजीत एकत्र दिसणार सनी देओल आणि जेपी दत्ता यांनी अलीकडेच १९९७ मध्ये रिलीज झालेल्या 'बॉर्डर' चित्रपटाचा सिक्वेल 'बॉर्डर २' ची घोषणा केली आहे. या चित्रपटात सनीसोबत आधी आयुष्मान खुराना दिसणार होता पण आता त्याची जागा वरुण धवनने घेतली आहे.
१९९७ मध्ये रिलीज झालेल्या 'बॉर्डर'ने बॉक्स ऑफिसवर ६५ कोटींची कमाई केली होती. 'दिल तो पागल है' (७१ कोटी) नंतर हा वर्षातील सर्वाधिक कमाई करणारा चित्रपट ठरला होता. २३ जानेवारी २०२६ रोजी हा चित्रपट प्रदर्शित होईल. सनी आणि वरुण व्यतिरिक्त या चित्रपटात दिलजीत दोसांझदेखील दिसणार आहे. निर्माते या चित्रपटाचे शूटिंग लवकरच सुरू करण्याच्या तयारीत आहेत.
