अभिनेत्री पुजा सांवत पडली प्रेमात; जोडीदारासोबतचा शेअर केला फोटो
पुणे : मराठी सिनेमासृष्ठीतील लोकप्रिय अभिनेत्री पुजा सांवतने (Pooja Sawant) आपल्या चाहत्यांना सुखद धक्का दिला आहे. अभिनेत्रीने प्रेमात पडल्याची सोशल मीडियावर कबुली दिली आहे. पूजाने जोडीदारासोबतचा फोटो पोस्ट केला असून यामध्ये ती तिच्या पार्टनरबरोबर दिसत आहेत. दरम्यान, पूजा सावंतच्या पोस्टवर एकीकडे चाहते तिच्यावर अभिनंदनाचा वर्षाव करत आहेत. तर दुसरीकडे मात्र काही चाहत्यांचा 'हर्टब्रेक' झाला आहे. पूजानं फोटो शेअर केला असला तरी, तिनं तिच्या होणाऱ्या पार्टनरची ओळख मात्र सांगितली नाही. त्यामुळे अभिनेत्रीचा जोडीदार कोण असा सर्वांनाच प्रश्न पडला आहे. (Pooja Sawant Engaged)
View this post on Instagram
अभिनेत्रीने इन्स्टाग्रामवर पोस्ट शेअर केली त्यामध्ये तिने, “माझ्या आयुष्यातील एका नवीन अध्यायासाठी मी सज्ज झाले आहे. ही प्रेमाची जादू असून आम्ही आमचा सुंदर प्रवास सुरु करत आहोत. We are engaged” असे कॅप्शन देत काही फोटो पोस्ट केले आहेत. यामध्ये अभिनेत्री तिच्या जोडीदारासोबत दिसत आहे. यामध्ये ती बोटातील अंगठी दाखवताना दिसत आहे.
View this post on Instagram
पुजाने शेअर केलेल्या फोटोमध्ये तिच्या जोडीदाराचा चेहरा दाखवण्यात आला नाही. त्यामुळे पूजाचा जोडीदार नक्की कोण? असा प्रश्न नेटकऱ्यांना पडला आहे. पूजा सावंतचे फोटो सोशल मीडियावर व्हायरल होत आहेत. दरम्यान पूजाच्या या पोस्टनंतर अनेक कलाकार यावर कमेंट करताना दिसत आहेत. अभिनेत्रीला सर्वांनी शुभेच्छा सुद्धा दिल्या आहेत.
पूजाने दगळी चाळ, क्षणभर विश्रांती, पोस्टर बॉइज, नीळकंठ मास्तर, भेटली तू पुन्हा, बोनस अशा अनेक गाजलेल्या सिनेमांत काम केलं आहे. तिचे अनेक सिनेमे सुपरहिट ठरले आहेत. याशिवाय ‘जंगली’ या बॉलीवूड चित्रपटात देखील काम केले आहे.
