पुणे जिल्हा परिषदेतील भरतीसाठी आलेल्या अर्जातून ६ कोटी ६६ लाख महसूल प्राप्त
पुणे जिल्हा परिषदेमध्ये १ हजार जागांसाठी नोकर भरती होणार आहे. या एक हजार पदांसाठी ७४ हजार ५०७ उमेदवारांनी अर्ज केले आहेत. या ऑनलाइन अर्जातून जिल्हा परिषदेला यातून ६ कोटी ६६ लाख ५२ हजार रुपये प्राप्त झाल्याची माहिती जिल्हा परिषद प्रशासनाकडून देण्यात आली आहे.
पुणे जिल्हा परिषदेत गट क सवंर्गातील २१ पदांच्या सरळ सेवा भरतीप्रक्रिया राबविण्यात येत आहे. त्यासाठी ऑनलाईन अर्ज मागविण्यात आले होते. अर्ज प्रक्रियेतून जिल्हा परिषदेला यातून ६ कोटी ६६ लाख ५२ हजार रुपये प्राप्त झाल्याची माहिती जिल्हा परिषदेच्या सामान्य प्रशासन विभागाचे उपमुख्य कार्यकारी अधिकारी राहुल गावडे यांनी दिली.