ताजा नव्हे शिळी खबर

यूट्यूबर भुवन बामची वेब सिरीज ‘ताजा खबर सीझन २’ शुक्रवारपासून (दि. २७) डिस्ने प्लस हॉटस्टारवर प्रसारित झाली. पण या वेबसिरीजच्या कथेमध्ये कुठलाही ताजेपणा नसल्याची टीका होत आहे.भुवन बाम व्यतिरिक्त यात श्रीया पिळगावकर, जावेद जाफरी, देवेन भोजानी, नित्या माथूर, प्रथमेश परब, महेश मांजरेकर या कलाकारांनी काम केले आहे.

स्वच्छता कर्मचारी अचानक श्रीमंत कसा होतो, हे पहिल्या सीझनने दाखवले. पण कष्ट न करता कमावलेला पैसा आणि सत्ता याचेही दुष्परिणाम होतात. वसंत गावडे ऊर्फ वस्या (भुवन बाम) याला गरिबांमध्ये पैसे वाटून पाप कमी करायचे आहे. पण काही पापे फक्त रक्त सांडल्यानेच कमी होतात.

वास्याची हत्या झाली आहे. पण युसूफ अख्तर (जावेद जाफरी) याला कळते की वास्याची हत्या झालेली नाही. त्याच्या खुनाचे नाट्य त्यानेच रचले. तो वास्याला शोधतो आणि त्याला दोन आठवड्यात ५०० कोटी रुपये देण्यास सांगतो.वास्याचे लव्ह लाईफही चढ-उतारातून जाते. त्याची मैत्रीण मधू (श्रीया पिळगावकर), जिवलग मित्र पीटर (प्रथमेश परब), बेकरी मालक मेहबूब भाई (देवेन भोजानी) त्याला ५०० कोटी रुपये परत करण्यात कशी मदत करतात? आणि या काळात कोणते त्रास होतात, याभोवती मालिकेची कथा फिरते.

'ताजा खबर सीझन २'ची कथा प्रामुख्याने वसंत गावडे ऊर्फ वास्या आणि युसूफ अख्तर यांच्या पात्रांभोवती फिरते. युसूफ अख्तरच्या व्यक्तिरेखेत जावेद जाफरी यांनी प्राण फुंकले आहेत. भुवन बाम यानेही आपल्या व्यक्तिरेखेला पूर्ण न्याय देण्याचा प्रयत्न केला आहे. पण जाफरीसमोर भुवन जरा कमजोर दिसत होता.

श्रिया पिळगावकरने भावनिक दृश्ये उत्तम साकारली आहेत. किस्मत भाईच्या भूमिकेतील महेश मांजरेकर यांची व्यक्तिरेखा कॅमिओशिवाय काही नाही असे दिसते. देवेन भोजानी मेहबूब भाईच्या भूमिकेत टिकला नाही. देवेन भोजानीसारख्या दिग्गज अभिनेत्याकडून दिग्दर्शकाला काम नीट करून घेता आले नाही. पीटरच्या भूमिकेत प्रथमेश परब मध्येच कॉमेडीचा टच देत राहतो. पण त्याचे पात्रही पूर्णपणे उमटले नाही.

या मालिकेची संपूर्ण कथा कॉकटेलसारखी आहे. मालिकेची कथा पूर्णपणे काल्पनिक किंवा वास्तवाच्या जवळपासही वाटत नाही. यामुळेच या मालिकेतील इतर पात्रे आपला प्रभाव सोडत नाहीत. प्रेक्षकांना सुरुवातीपासून शेवटपर्यंत गुंतवून ठेवणारा असा रोमांचक क्षण या मालिकेत नाही. 

पार्श्वसंगीत सामान्य आहे. या मालिकेत एकूण सहा गाणी असली तरी 'होके मजबूर' आणि 'पैसा' व्यतिरिक्त असे एकही गाणे नाही जे लक्षात राहिल. ‘ताजा खबर’मध्ये कथेच्या नावात ताजेपणा नाही. तरीही, जर तुमच्याकडे मोकळा वेळ असेल आणि तुम्ही भुवन बामचे चाहते असाल तर एकदा ही सिरीज बघायला हरकत नाही.