संग्रहित छायाचित्र
दापोडी : पिस्तूल बाळगल्याप्रकरणी गुंडाविरोधी पथकाने एका तरुणाला अटक केली. ही कारवाई गुरुवारी (दि. 12) सायंकाळी दापोडी येथे करण्यात आली.
अनिकेत ऊर्फ सोन्या अशोक बाराथे (वय २५, रा. दापोडी) असे अटक केलेल्या तरुणाचे नाव आहे. या प्रकरणी पोलीस अंमलदार शुभम कदम यांनी दापोडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, जुन्या पुणे-मुंबई महामार्गावर फुगेवाडी-दापोडी मार्गावर एकजण पिस्तूल घेऊन आल्याची माहिती गुंड विरोधी पथकाला मिळाली. त्यानुसार पोलिसांनी सापळा लावून अनिकेत याला ताब्यात घेतले. त्याच्याकडून ५० हजार ५०० रुपये किमतीचे एक पिस्तूल आणि एक जिवंत काडतूस जप्त केले आहे. दापोडी पोलीस तपास करीत आहेत.
