डॉ. हुलगेश चलवादी यांच्या बाईक रॅलीली मोठा प्रतिसाद
पुणे : वडगाव शेरी मतदारसंघातील बहुजन समाज पार्टीचे (बसपा) अधिकृत उमेदवार डॉ. हुलगेश चलवाद यांचा प्रचार जोरात सुरु आहे. धानोरी, विद्यानगर, गोकुळ नगर, भैरव नगर, मुंजाबा वस्ती, एकता नगर आणि आदर्श कॉलनी या भागातून बाईक रॅलीचे आयोजन करण्यात आले होते. या रॅलीला तरुणांसह ज्येष्ठांचा मोठा प्रतिसाद मिळाला.
निवडणूकीच्या प्रचाराला अवघे काही दिवस राहिले आहेत. चलवादी यांच्या पहिल्यापासून मतदारांना प्रत्यक्ष गाठीभेटी देण्यावर भर दिला आहे. त्यांना नागरिकांचा चांगला प्रतिसाद मिळत आहे. मतदारांशी भेटून त्यांचे प्रश्न ते समजून घेत आहेत. मतदार संघात वाहतूक कोंडी, पाणी प्रश्न, ड्रेनेज लाईनचे प्रश्न तसेच अर्धवट रस्त्यांची कामे रखडली आहेत. ही कामे मार्गी लावण्यासोबतच सामाजिक प्रश्न सोडविणार असल्याचा पुर्नच्चार चलवादी यांनी केला आहे. तरुणांचे प्रश्न सोडविण्यासाठी नेहमीच अग्रेसर असल्याने बाईक रॅलीमध्ये प्रतिसाद मिळत आहे. मतदार स्वत:हून पाठिंबा देत असून प्रचारात सहभागी होत असल्याचे चलवादी यांनी सांगितले.
प्रचाराच्या प्रत्येक टप्प्यावर जनतेची साथ मिळत आहे. तसेच मतदारांमध्ये उत्साह दिसून येत आहे. यामुळे ही रॅली आणखी मतदारांमध्ये सकारात्मक संदेश गेला आहे. हे एकता आणि समर्पणाचे प्रतीक आहे, बदलाच्या दिशेने एक पाऊल आहे. असे मत चलवादी यांनी व्यक्त केले.
